Oıyn-saýyq ortalyqtary men jabyq bazarlar senbide jumys isteıtin bolady
NUR-SULTAN. QazAqparat – Qazaqstanda saýda, oıyn-saýyq ortalyqtary men jabyq bazarlar senbi kúnderi jumys isteıtin bolady, dep habarlaıdy QazAqparat.
QR Úkimeti janyndaǵy vedomstvoaralyq komıssııanyń sheshimimen koronavırýske qatysty turaqty epıdemıologııalyq ahýaly bar «jasyl» óńirlerde bıznes sýbektileriniń qyzmeti kezeń-kezeńimen qaıta jandandyrylady.
Atap aıtqanda, 2020 jylǵy 24 qazannan bastap senbi kúnderi SOSO, saýda úıleri, jabyq bazarlar saǵat 17:00-ge deıin jumys isteıtin bolady.
Sondaı-aq málim etilgendeı, 26 qazannan bastap kınoteatrlar qashyqtyqty jáne maska taǵý rejımin saqtaı otyryp, 30%-dan aspaıtyn tolyǵýmen jumysyn qaıta bastaıdy.
Eske salsaq, búgin Premer-Mınıstr Asqar Mamın elimizdegi sanıtarlyq-epıdemıologııalyq ahýalǵa qatysty birqatar tapsyrma berdi.
