Oıyn-saýyq ortalyqtary men meıramhanalar áli ashylmaıdy - Eraly Toǵjanov
«Búgin Prezıdent Qasym-Jomart Toqaev 2 myń sharshy metrge deıingi azyq-túlikten bólek dúkenderdiń, sulýlyq salondarynyń jáne balalardy damytý ortalyqtarynyń ashylatynyn málimdedi. Turǵyndardyń saıabaqtar men skverlerde serýendeýine ruqsat beriledi. Park janyndaǵy kóńil kóterý jumystaryna shekteý qoıylady», - dep túsindirdi E. Toǵjanov Úkimette ótken onlaın brıfıngte.
Sonymen birge, E. Toǵjanov oıyn-saýyq ortalyqtarynyń jumysyn jandandyrý boıynsha kóp suraq kelip túskenin aıtty.
«Bul kezeńde oıyn-saýyq ortalyqtarynyń, meıramhanalar men qonaq úılerdiń jumysy iske qosylmaıtynyn málimdeımin. Bul másele sál keıinirek óńirlerdegi sanıtarlyq-epıdemıologııalyq jaǵdaıdy eskere otyryp, qarastyrylady», - dedi E. Toǵjanov.
Onyń aıtýynsha, eldegi KVI juqtyrǵandar úlesin 2 paıyzǵa deıin azaıtqanda ǵana, oıyn-saýyq ortalyqtaryn ashýǵa múmkindik bar.
Aıta keteıik, Memleket basshysy Qasym-Jomart Toqaev búgin Qazaqstandaǵy tótenshe jaǵdaı rejımi toqtaǵanyn habarlaǵan edi. Biraq, elimizde karantın rejımi áli de saqtalady.