Oıyn bıznesin uıymdastyrýshynyń biliktilik talaptaryna sáıkestigin rastaıtyn qujattardyń tizbesi men nysandary bekitildi

***

Oıyn bıznesin uıymdastyrýshynyń biliktilik talaptaryna sáıkestigin rastaıtyn qujattardyń tizbesi men nysandaryn bekitý týraly

Qazaqstan Respýblıkasy Úkimetiniń qaýlysy №1261

2011 jylǵy 1 qarasha, Astana, Úkimet Úıi

 «Oıyn bıznesi týraly» Qazaqstan Respýblıkasynyń 2007 jylǵy 12 qańtardaǵy Zańynyń 7-babyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan:
1) oıyn bıznesin uıymdastyrýshynyń biliktilik talaptaryna sáıkestigin rastaıtyn qujattardyń tizbesi;
2) oıyn bıznesin uıymdastyrýshynyń biliktilik talaptaryna sáıkestigin rastaıtyn qujattardyń nysandary bekitilsin.
2. Osy qaýly alǵashqy resmı jarııalanǵanynan keıin kúntizbelik jıyrma bir kún ótken soń qoldanysqa engiziledi.

                                                                    Qazaqstan Respýblıkasynyń Premer-Mınıstri K.MÁSІMOV.

Qazaqstan Respýblıkasy Úkimetiniń  2011 jylǵy 1 qarashadaǵy  №1261 qaýlysymen bekitilgen

Oıyn bıznesin uıymdastyrýshynyń biliktilik talaptaryna sáıkestigin rastaıtyn  qujattardyń tizbesi
1. Qazaqstan Respýblıkasyndaǵy oıyn bıznesi salasyndaǵy qyzmetpen aınalysý quqyǵyna arnalǵan lıtsenzııany alý úshin ótinish berýshi ýákiletti organǵa (lıtsenzıarǵa) óziniń «Oıyn bıznesi týraly» Qazaqstan Respýblıkasynyń 2007 jylǵy 12 qańtardaǵy Zańynda belgilengen biliktilik talaptaryna sáıkestigin rastaıtyn mynadaı qujattardy usynady:
1) býkmekerlik keńse úshin:
menshik nemese múliktik jaldaý (senimgerlik basqarý jáne ózge de shart nysandary) quqyǵynda ǵımarattyń (ǵımarat, qurylym, qurylys bóliginiń) bolýyn rastaıtyn qujattyń kóshirmesi;
ótinish berýshiniń qolymen jáne mórimen kýálandyrylǵan, kórsetilgen oıyn jabdyǵyna menshik quqyǵyn rastaıtyn qujattardyń kóshirmelerimen birge oıyn jabdyǵynyń tizbesi;
kúzet qyzmetin júzege asyrýǵa zańnamada belgilengen tártippen lıtsenzııa alǵan jeke jáne (nemese) zańdy tulǵalarmen jasalǵan sharttyń (sharttardyń) kóshirmesi;
oıyn mekemesi jumysynyń, stavkalardy qabyldaýdyń jáne ótkiziletin bás tigýdiń memlekettik jáne orys tilderindegi qaǵıdalary;
birinshi talap etý boıynsha salymdy berý shartymen (talap etilgenge deıingi salym), tıisti qarjy jylyna arnalǵan respýblıkalyq bıýdjet týraly zańda belgilengen aılyq eseptik kórsetkishtiń 20 000 mólsherinde salym ashýǵa Qazaqstan Respýblıkasynyń aýmaǵyndaǵy ekinshi deńgeıli bankpen jasalǵan sharttyń kóshirmesi;
kassalar tizimi.
2) totalızator úshin:
menshik nemese múliktik jaldaý (senimgerlik basqarý jáne ózge de shart nysandary) quqyǵynda ǵımarattyń (ǵımarat, qurylym, qurylys bóliginiń) bolýyn rastaıtyn qujattyń kóshirmesi;
ótinish berýshiniń qolymen jáne mórimen kýálandyrylǵan, kórsetilgen oıyn jabdyǵyna menshik quqyǵyn rastaıtyn qujattardyń kóshirmeleri bar oıyn jabdyǵynyń tizbesi;
kúzet qyzmetin júzege asyrýǵa zańnamada belgilengen tártippen lıtsenzııa alǵan jeke jáne (nemese) zańdy tulǵalarmen jasalǵan sharttyń (sharttardyń) kóshirmesi;
oıyn mekemesi jumysynyń, stavkalardy qabyldaýdyń jáne ótkiziletin bás tigýdiń memlekettik jáne orys tilderindegi qaǵıdalary;
birinshi talap etý boıynsha salymdy berý shartymen (talap etilgenge deıingi salym), tıisti qarjy jylyna arnalǵan respýblıkalyq bıýdjet týraly zańda belgilengen aılyq eseptik kórsetkishtiń 5 000 mólsherinde salym ashýǵa Qazaqstan Respýblıkasynyń aýmaǵyndaǵy ekinshi deńgeıli bankpen jasalǵan sharttyń kóshirmesi;
kassalar tizimi.
3) kazıno úshin:
kazınonyń oıyn bıznesin júrgizý úshin aıqyndalǵan aýmaqta ornalasýy týraly tıisti jergilikti atqarýshy organnyń anyqtamasy;
menshik nemese múliktik jaldaý (senimgerlik basqarý jáne ózge de shart nysandary) quqyǵynda ǵımarattyń (ǵımarat, qurylym, qurylys bóliginiń) bolýyn rastaıtyn qujattyń kóshirmesi;
ótinish berýshiniń qolymen jáne mórimen kýálandyrylǵan, kórsetilgen oıyn jabdyǵyna menshik quqyǵyn rastaıtyn qujattardyń kóshirmeleri bar oıyn jabdyǵynyń tizbesi;
qoldanylatyn zańdastyrylǵan belgilerdiń memlekettik jáne orys tilderindegi úlgileri men nomınatsııalarynyń bolýy;
kúzet qyzmetin júzege asyrýǵa zańnamada belgilengen tártippen lıtsenzııa alǵan jeke jáne (nemese) zańdy tulǵalarmen jasalǵan sharttyń (sharttardyń) kóshirmesi;
oıyn mekemesi jumysynyń, stavkalardy qabyldaýdyń jáne ótkiziletin bás tigýdiń memlekettik jáne orys tilderindegi qaǵıdalary;
birinshi talap etý boıynsha salymdy berý shartymen (talap etilgenge deıingi salym), tıisti qarjy jylyna arnalǵan respýblıkalyq bıýdjet týraly zańda belgilengen aılyq eseptik kórsetkishtiń 25 000 mólsherinde salym ashýǵa Qazaqstan Respýblıkasynyń aýmaǵyndaǵy ekinshi deńgeıli bankpen jasalǵan sharttyń kóshirmesi;
4) oıyn avtomattary zaly úshin:
oıyn avtomattary zalynyń oıyn bıznesin júrgizý úshin aıqyndalǵan aýmaqta ornalasýy týraly tıisti jergilikti atqarýshy organnyń anyqtamasy;
menshik nemese múliktik jaldaý (senimgerlik basqarý jáne ózge de shart nysandary) quqyǵynda ǵımarattyń (ǵımarat, qurylym, qurylys bóliginiń) bolýyn rastaıtyn qujattyń kóshirmesi;
ótinish berýshiniń qolymen jáne mórimen kýálandyrylǵan, kórsetilgen oıyn jabdyǵyna menshik quqyǵyn rastaıtyn qujattardyń kóshirmeleri bar oıyn jabdyǵynyń tizbesi;
qoldanylatyn zańdastyrylǵan belgilerdiń memlekettik jáne orys tilderindegi úlgileri men nomınatsııalarynyń bolýy;
ár oıyn avtomatyna arnalǵan sáıkestik sertıfıkaty;
kúzet qyzmetin júzege asyrýǵa zańnamada belgilengen tártippen lıtsenzııa alǵan jeke jáne (nemese) zańdy tulǵalarmen jasalǵan sharttyń (sharttardyń) kóshirmesi;
oıyn mekemesi jumysynyń, stavkalardy qabyldaýdyń jáne ótkiziletin bás tigýdiń memlekettik jáne orys tilderindegi qaǵıdalary;
birinshi talap etý boıynsha salymdy berý shartymen (talap etilgenge deıingi salym), tıisti qarjy jylyna arnalǵan respýblıkalyq bıýdjet týraly zańda belgilengen aılyq eseptik kórsetkishtiń 25 000 mólsherinde salym ashýǵa Qazaqstan Respýblıkasynyń aýmaǵyndaǵy ekinshi deńgeıli bankpen jasalǵan sharttyń kóshirmesi;
2. Osy tizbeniń 1-tarmaǵynda kórsetilgen qujattardyń kóshirmeleri usynylǵan jaǵdaıda olardyń shynaıylyǵyn salystyryp tekserý úshin mundaı qujattardyń túpnusqalary usynylady.

Qazaqstan Respýblıkasy Úkimetiniń 2011 jylǵy 1 qarashadaǵy  №1261 qaýlysymen bekitilgen
Nysany
Oıyn jabdyǵynyń tizbesi

Orny: __________________________________________
Menshik ıesi: __________________________________

M.O. qoly

Qazaqstan Respýblıkasy Úkimetiniń 2011 jylǵy 1 qarashadaǵy  №1261 qaýlysymen bekitilgen

Nysany
Kassalar tizimi*
___________________________________________________________________________________
ótinim berýshiniń ataýy
___________________________________________________________________________________
oıyn bıznesiniń salasyn, oıyn mekemesiniń ornalasqan jerin, onyń ataýyn kórsetý

*Kassalardyń ashylýy nemese qoldanystaǵy kassalardyń ornalasqan jeriniń ózgerýi kezinde 10 kúntizbelik kún ishinde ýákiletti organǵa kassalardyń ózgertilgen tizimin usynýǵa mindettenemin.

M.O. qoly