Oıyn alańynda kóz jumǵan bala: Dárigerler túsinikteme berdi
QARAǴANDY. QazAqparat - Qaraǵandynyń densaýlyq saqtaý basqarmasy oıyn alańynda kóz jumǵan balaǵa qatysty túsinik berdi, dep xabarlaıdy QazAqparat tilshisi.
«Habar jetkennen bastap arnaıy kómek brıgadasy oqıǵa ornyna 11 mınýt ishinde jetken. Reanımatsııalyq is-sharalar tolyq kólemde júrgizildi. Qabyldanǵan sharalarǵa qaramastan 2012 jyly týǵan qyz balanyń bıologııalyq ólimi tirkeldi», - dep habarlady Densaýlyq saqtaý basqarmasynda.
Basqarma málimetinshe, bala aýyr sozylmaly dertimen turǵylyqty jeri boıynsha dıspanserlik esepte turǵan.
Oqıǵanyń mán-jaıyn sot-medıtsınalyq saraptama anyqtaıtyn bolady.
Esterińizge sala keteıik, búgin Qaraǵandynyń saýda úıleriniń birindegi oıyn alańynda jazataıym oqıǵa oryn alǵan. Átkenshekten qulaǵan 7 jasar bala kóz jumdy.
