Oıyl ózeninde sý deńgeıi kóterilip, mańyndaǵy aýyldan 205 áıel men bala evakýatsııalandy
AQTÓBE. QazAqparat - Aqtóbe oblysy Oıyl aýdanynda sý tasqyny qaýpi týyndaǵan aýyldyń turǵyndary evakýatsııalandy, dep habarlaıdy QazAqparat.
6 sáýir kúni saǵat 23.40-ta Aqtóbe oblysy, Oıyl aýdanyndaǵy Oıyl ózenindegi sý deńgeıiniń kóterilgeni jáne Ekpetal aýylyn sý basý qaýpi týyndaǵany týraly habarlama kelip tústi.
Oqıǵa ornynan 205 adamdy, onyń ishinde 104 bala men 101 áıeldi Ekpetal aýylynan 7 shaqyrym jerdegi Oıyl aýylyna kóshirý týraly sheshim qabyldandy.
Sondaı-aq, 236 iri qara maly, 453 usaq mal, 28 qus qaýipsiz jerge shyǵaryldy.
Aldyn alý sharalaryn qabyldaý úshin Ekpetal aýylynda 50 er adam jáne polıtsııa qyzmetkerleri qalyp otyr.
Aýdandyq TJ bólimi qyzmettiń kúsheıtilgen rejımine aýysyp, oblys ortalyǵynan 26 adam jáne 5 tehnıka keldi.
Qosymsha JAO-dan 15 qyzmetker jáne 7 tehnıka jumys istep jatyr.
Qazirgi ýaqytta Ekpetal aýylynda ózen jaǵasyn nyǵaıtý jumysy júrgizilýde.
Qaýip joq. Jaǵdaıdy baqylaý úshin oblystyq TJ departamenti bastyǵy polkovnık Marǵulan Amanbaev jáne TJ aldyn alý basqarmasynyń bastyǵy Qumar Turmaǵambetov oqıǵa ornyna kelip, aýdan basshysy Asqar Qaıyrǵalıulymen birge sý deńgeıin tekserdi.
Odan ári evakýatsııalanǵan turǵyndardyń jaǵdaıymen tanysty.
