«Oıyl-Qıyl-Jem-Saǵyz»: Atyraý men Aqtóbede jańa ekologııalyq joba qolǵa alyndy
ATYRAÝ. QazAqparat - Atyraý oblystyq ákimdiginiń qoldaýymen tyń bastama qolǵa alyndy, dep habarlaıdy QazAqparat tilshisi.
«Oıyl-Qıyl-Jem-Saǵyz» atty ekologııalyq taqyryptaǵy birlesken shyǵarmashylyq-zertteý jobasy Memleket basshysy Qasym-Jomart Toqaevtyń «Jańa jaǵdaıdaǵy Qazaqstan: is-qımyl kezeńi» atty halyqqa arnaǵan Joldaýynan týyndaıtyn mindetter jáne «Aýyl – el besigi» baǵdarlamasy negizinde júzege asyrylady.
Joba aıasynda «Atyraý-Aqparat» jáne «Aqtóbe medıa» JShS arasynda áriptestik baǵyttaǵy qarym-qatynasty damytý, buqaralyq aqparat quraldary salasynda shyǵarmashylyq baılanysty óristetý kózdelip otyr.
Osy baǵytta búgin atalǵan eki seriktestiktiń basshylary Ysqaq Egemberdıev pen Raýken Otynshın ózara yntymaqtastyq jónindegi memorandýmǵa qol qoıdy.
«Aqtóbe Medıa» seriktestiginiń dırektory, Qazaqstan jýrnalıster odaǵy Aqtóbe oblystyq fılıalynyń tóraǵasy Raýken Otynshın - shyǵarmashylyq-zertteý jobasynyń seriktesi.
Memorandým aıasynda atalǵan ózenderdiń ahýaly jóninde ekspedıtsııalar, qoǵam belsendileri, tıisti qurylymdarmen birlesken is-sharalardy uıymdastyrý sııaqty jumystar jasalady.
