Oıyl aýdanynda ázirge kúrdeli jaǵdaı baıqalady – ıÝrıı Ilın Aqtóbe oblysynda

AQTÓBE. QazAqparat – Oıyl aýdanynda ázirge kúrdeli jaǵdaı baıqalady Oıyl aýdanynda ázirge kúrdeli jaǵdaı baıqalady. Bul týraly Aqtóbe oblysynyń Qobda jáne Oıyl aýdandaryndaǵy jaǵdaımen tanysqan Tótenshe jaǵdaılar mınıstri ıÝrıı Ilın málim etti, dep habarlaıdy QazAqparat vedomstvo saıtyna silteme jasap.

Aqtóbe oblysyna jumys sapary barysynda Tótenshe jaǵdaılar mınıstri ıÝrıı Ilın men Aqtóbe oblysynyń ákimi Eraly Toǵjanov áýeden barlaý jumysyn júrgizip, aǵymdaǵy jaǵdaımen, sondaı-aq Aqtóbe oblysynyń Qobda jáne Oıyl aýdandarynda sý tasqyny saldaryn joıý boıynsha júrgizilip jatqan avarııalyq-qutqarý jáne shuǵyl jumystarmen tanysty.

Oblystyń eki aýdanynda qardyń qarqyndy erýi men erigen qar sýynyń aǵýy saldarynan turǵyn úıler, aýla aýmaqtary men qosalqy sharýashylyqtar sý astynda qaldy (Qobda aýdany – 79 úı, Oıyl aýdany – 2 úı jáne 12 aýla aýmaǵy). Jergilikti atqarýshy organdardyń komıssııasy nátıjeleri boıynsha 19 úı men 12 aýla aýmaǵy sý astynda qalyp otyr, ol jerlerde belendi sý tasqynyna qarsy is-sharalar jáne sý sorý jumystary júrgizilip jatyr.

Jumyldyrylǵan kúshter men quraldardyń kómegimen 400-den astam adam jedel jáne aldyn ala evakýatsııalandy, olar týystaryna jáne evakýatsııalyq pýnkterge ornalastyryldy. 140 adam úıine oraldy. 4 myńnan astam mal qaýipsiz jerge aıdaldy.

Eldi mekenderdi aralaý barysynda TJM basshysy avarııalyq-qutqarý jumystarynyń barysyn jeke ózi baqylap, sý basqan aýmaqtar men jeke úı ıelikterin qarap, azamattarmen áńgimelesti, zardaptardy joıý barysy týraly qyzyqtyrǵan suraqtarǵa jaýap berdi jáne qalyptasqan jedel jaǵdaı týraly habardar etti.

ıÝrıı Ilın sý tasqynynyń saldaryn joıýdy jedeldetý boıynsha birqatar naqty mindet qoıdy, olardy sheshý jáne bolashaqta osyndaı qaýipterdi barynsha azaıtý joldaryn belgiledi.

Biz zardap shekken aýdandardyń jaǵdaıyn áýeden barlaý jumysyn aıaqtadyq. Qazirgi ýaqytta Oıyl aýdanynda ázirge kúrdeli jaǵdaı baıqalady. Oıyl aýdanynyń eldi mekeninen erigen qar sýyn jedeldetip ótkizý úshin ınjenerlik tehnıka, qurylystar tosqaýyldarynyń buzylýy baǵytynda sheshim qabyldandy. Jergilikti atqarýshy organdardyń baǵalaý komıssııasy oqıǵa ornynda jumys istep jatyr, ol jaqyn arada azamattardyń múlki men keltirilgen zalaldy baǵalaý boıynsha óz jumysyn aıaqtaıdy. TJM bólimsheleri men jergilikti atqarýshy organdardyń jumysy barlyq úı ıelikterinen sý sorý tolyq aıaqtalǵanǵa deıin jalǵasady. Jaǵdaı baqylaýda. Jaǵdaıdyń kúrdelenýi baıqalmaıdy. Aldaǵy 10 kúnde oblystyń barlyq derlik soltústik aýdandarynda qar erip ketedi, ázirge sý aǵynynyń mundaı joǵary deńgeıi kútilmeıdi

, - dedi ıÝrıı Ilın.

Sonymen qatar, áýeden barlaý barysynda Aqtóbe sý qoımasynyń tómengi aǵysyna tekserý júrgizildi.

Oblystyń eki aýdanynda avarııalyq-qutqarý jáne shuǵyl jumystarǵa, sý tasqyny saldaryn joıýǵa TJM qutqarý bólimsheleriniń, jergilikti atqarýshy organdardyń, ІІM jáne oblystyń basqa da múddeli qurylymdarynyń jeke quramynan 900-ge jýyq adam, sý sorý quraldaryn qosa alǵanda 650 tehnıka jumyldyryldy.

Jalpy, Aqtóbe oblysy boıynsha sý tasqyny kezeńi bastalǵanǵa deıin júrgizilgen sý ótkizgish qubyrlardy ornatý, aryq júıesin tazartý, qar shyǵarý boıynsha sý tasqynyna qarsy aldyn alý is-sharalary sý tasqyny qaýpin azaıtýǵa yqpal etti.

Qazirgi ýaqytta júrgizilip jatqan ınjenerlik jáne basqa da jumystar temperatýralyq fonnyń kúrt joǵarylaýymen jáne topyraqtyń maksımaldy qatý kórsetkishteri jaǵdaıynda qardyń kúrt erýimen baılanysty kúrdeli gıdrometeorologııalyq jaǵdaılarda jaǵdaıdy tez turaqtandyrýǵa yqpal etedi.

Bir táýlik ishinde Baıǵanın, Yrǵyz, Mártók, Muǵaljar, Oıyl, Temir jáne Shalqar aýdandarynda ınertti materıal salynǵan qaptar tóseý jumystary júrgizildi. Barlyǵy ınertti materıal salynǵan 10 000-nan astam qap tóseldi, shamamen 30 000 tekshe metr sý soryldy.

Jalpy, sý tasqyny kezeńi bastalǵannan beri Aqtóbe oblysy boıynsha 390 000 tekshe metrden astam sý soryldy, 26,1 km aryqtar tazartyldy, ınertti materıal salynǵan 24 000-nan astam qap tóseldi, uzyndyǵy 175 metr ýaqytsha bóget salyndy, uzyndyǵy 500 metr jaǵalaýdy nyǵaıtý jumystary júrgizildi. Oblys boıynsha eldi mekenderden shamamen 525 000 tekshe metr qar shyǵaryldy. Aqtóbe qalasynda «Saıa» turǵyn alabynan joǵary jáne Qarǵaly aýdanynyń Petropavlovka aýylynda 200 metr sý burý kanaly qazyldy.

Buǵan deıin málim bolǵanyndaı, Aqtóbeniń sý tasqyny bolǵan Qobda aýylynda jańa úıler salynady.