Oırat Sádýov «Báıterek» FK-nyń bas jattyqtyrýshysy bolyp taǵaıyndaldy
ASTANA. QazAqparat - «Báıterek» fýtbol klýbynyń bas jattyqtyrýshysy bolyp tanymal otandyq maman Oırat Sádýov taǵaıyndaldy, dep jazady Sports.kz.
Esterińizge sala keteıik, Qazaqstan Chempıonatynyń 1-shi lıgasynda shyǵatyn «Báıterek» fýtbol klýbynyńń quryltaıshysy Qazaqstan Respýblıkasy Mádenıet jáne sport mınıstrliginiń «Shtattyq ulttyq komandalary men sporttyq qorynyń dırektsııasy» RMKK bolyp tabylady.
Komandanyń negizin (1997 jyly dúnıege kelgen 15-16 oıynshy) Brazılııanyń «Botaffogo» fýtbol akademııasynyń («Ole Brazıl» jobasy) ekinshi aǵynynyń túlekteri quraıdy.
«Báıterek» FK óziniń turaqty chempıonaty men el kýbogynyń úıdegi ótken barlyq matchtaryn «Astana-Arena» stadıonynda ótkizedi. Fýtbolshylar sporttyq arenanyń janynda, «Saryarqa» qonaqúıiniń («Saryarqa» velodromy) jaıly nómirlerinde turady.
«Ole Brazıl» jobasynyń atalǵan aǵynynyń barlyq 26 túlegi shtattyq ulttyq komandalar men sporttyq qorynyń dırektsııasymen kelisimshart ornatyp, laıyqty jalaqylaryn alýda. Sondaı-aq mekeme tarapynan olarǵa UBT tapsyrý jáne memlekettik kvotalar boıynsha bilim mekemelerine oqýǵa túsý úshin qyzmetter kórsetedi.
Klýbtyń jattyqtyrýshylyq quramy «Báıterek» quramyndaǵy jańa maýsymǵa daıyndalatyn 15-16 fýtbolshyny alady. Qalǵan balalar basqa klýbtarǵa jalǵa beriledi. Sondaı-aq bul fýtbolshylar bıylǵy jyly óz jas ereksheligi boıynsha aldaǵy Eýropa chempıonatyna irikteý matchtarynan ótý mindeti turǵan Qazaqstannyń jasóspirimder quramasynyń (U-19) negizin quraıdy.
Birinshi jıyn 23 qańtar-2 aqpanǵa Astanada ótýi belgilenip qoıdy, oǵan akademııanyń barlyq 26 túlegi jumyldyrylady. Ekinshisi 10-23 aqpan aralyǵynda Tashkent qalasynda ótedi. Osy jáne kelesi jıyndardyń barysynda komandanyń 2015 jylǵy fýtbol maýsymyndaǵy sońǵy quramy anyqtalady.
