Oıly dúnıe árdaıym óz kórermenin tabady - Esmuhan Obaev
ALMATY. 21 qarasha. QazAqparat - Bul qazaqtyń ulttyq erekshelikterin kórsetin kınolardyń bastaýy sııaqty.
QR halyq ártisi Esmuhan Obaev búgin Almatyda «Bir kem dúnıe» dep atalatyn jańa fılmniń tusaýkeserinde osyndaı pikir bildirdi.
«Akterlik kıno bolǵan. Óz basym túrli effektilerden, qýǵyn-súrgin, atys-shabystan góri osyndaı, adamnyń ishki dúnıesin izdegendi kóńilge qonymdy dep oılaımyn. Ony túsirýshiler aýyldy tanı bilgen jáne onyń atmosferasyn tolyq jetkizgen», - dedi E.Obaev. Onyń aıtýynsha, muny ulttyq kınonyń jarqyn kórinisi deýge bolady. Onda basti rólderdi somdaǵan Qazaqstannyń eńbek sińirgen qaıratkerleri Orazhan Sádýaqasuly men Sholpan Sirgebaeva aýyldaǵy qarapaıym shal men kempirdiń beınesin sheber somdap shyqty. Ondaǵy úlkendi-kishili barlyq keıipkerdiń boıynda ulttyq rýhty oıatatyn qasıet bar. Mundaı oıly dúnıeniń óz kórermenin tabary kúmánsiz.
