Oıyldyń arnasynan asqan sý Mııaly aýyly mańyndaǵy kópirdi buzyp ketti

ATYRAÝ. KAZINFORM – Atyraý oblysynda Oıyl ózeniniń sýy arnasynan áli asyp jatyr. Búgin Mııaly aýylynyń mańyndaǵy kópirdi tasqyn sý shaıyp ketti. KAZINFORM tilshisine bul derekti Qyzylqoǵa aýdanyndaǵy senimdi derek kózi rastady. 

«Oıyl ózenindegi sý arnasynan asyp jatyr. Tasqyn sý «Saǵyz-Mııaly-Qarabaý-Inder» baǵytyna qatynaıtyn joldaǵy kópirdi shaıyp ketti. Bul kópir Mııaly men Jangeldın aýyldary aralyǵynda salynǵan», - dep habarlady senimdi derek kózi.

Eske sala ketelik, budan buryn Atyraý oblysyndaǵy bir aýdanda tótenshe jaǵdaı jarııalanǵanyn jazǵan bolatynbyz.

Keıin Oıyl ózenindegi sý tasqynyna baılanysty Mııaly aýylynan 559 turǵyn evakýatsııalandy.

Sondaı-aq, Mııaly aýylyna tirelgen sýdyń deńgeıi 1 metr 20 sm qurady.

Oıyl ózeniniń mańynan 7 sharýa qojalyǵy qaýipsiz aýmaqqa kóshirildi.

Al, búgin Mııaly aýylyn tasqyn sýdan qorǵaý jalǵasyp jatqanyn jazǵan edik.