«Oıyq 15 santımetrge jetedi»: Jetisý oblysy turǵyndary jol sapasyna shaǵymdandy
TALDYQORǴAN. KAZINFORM — Jetisý oblystyq ákimdigi avtojol sapasyna shaǵym aıtqan turǵynǵa jaýap berdi.
Áleýmettik jelide jol sapasyna qatysty vıdeo tarady. Turǵynnyń aıtýynsha, jolda oıyqtar kóp. Ol keıbir jerlerde oıyqtyń tereńdigi shamamen 15 santımetrge jetetinin aıtty.
Vıdeoda jolmen júk kólikteriniń kóp qatynaıtyny aıtylǵan. Vıdeo avtory kólik qozǵalysynyń kóptigi jol jamylǵysyna áser etetinin ekenin aıtyp, bılik ókilderinen shara qoldanýdy surady.
Oblys ákiminiń kommýnıkatsııa jónindegi keńesshisi Mádı Shákenovtiń sózinshe, bul — Taldyqorǵan — Úshtóbe — Byjy — Muqary tasjoly.
— Merdigerdiń kepildik mindettemelerine anyqtalǵan aqaýlardy joıý jáne jol jamylǵysyn qalpyna keltirý kiredi. Belgilengen talaptar men kepildik sharttaryna sáıkes jóndeý jumysy qazan aıynyń ortasyna deıin aıaqtalady, — dedi Mádı Shakenov.
Onyń aıtýynsha, jaǵdaı baqylaýda. Ol jóndeý jumystary aıaqtalǵannan keıin joldyń jaǵdaıy retteledi dep otyr.
Eske salaıyq, Jetisýda laı kóshkin «Saryózek — Kóktal» jolynyń ýchaskesin shaıyp ketken edi.
