«Oıan.Namys.kz» jýrnaly oqyrmanǵa jol tartty
STANA. Naýryzdyń 4-i. QazAqparat /Baqytjol Kákesh / - Qazaq baspasózi qazaqtyń rýhyn, namysyn oıatýǵa talpynǵan taǵy bir basylymmen tolyqty.
Qoǵamdyq-saıası, mádenı-tanymdyq «Oıan.Namys.kz» jýrnalynyń alǵashqy sany tusaýyn kesip, oqyrmanǵa jol tartty. Eki aıda bir ret shyǵatyn bul basylymnyń basty maqsaty - aıtylýǵa tıisti aşy shyndyqty ótkir tilmen oqyrmanǵa jetkizý, dep habarlaıdy QazAqparat.
Jýrnaldyń alǵashqy sanynda jaryq kórgen «Bodandyq qamyty qazaqtyń moınynan tússe de, mıynan túsken joq», «Otarlaýdyń oırany», «Beıǵam qazaq hám Bedeý Eýropa», sııaqty kólemdi maqalalar jurtshylyq kókeıindegi eń ózekti oılarǵa qozǵaý salǵan. Tarıhtyń aqtańdaǵy, qazirgi qoǵamnyń túıtkildi tustary, bıliktiń elge degen enjarlyǵy -jýrnal tilshileri kózdegen basty nysana. Sondaı-aq, oqyrmandy ımanı bilimmen sýsyndatyp, qazaqtyń ul-qyzdarynyń jigerin qaırap, namysyn qamshylaý keńinen qamtylǵan. «Qaýqaryń qodas qurly bar ma, qazaq?», «Qul degenimiz kim?», «Jolbarystar hıkaıasy» atty ótkir tildi dúnıeler shynynda da namys pen jigerdi qaıraıdy.
Jýrnaldyń redaktsııa alqasynyń tóraǵasy QR Parlamenti Májilisiniń depýtaty Bekbolat Tileýhan, bas redaktory Beken Qaıratuly.
