Oıan, adamzat! Joǵarytehnologııaly ýtopııalyq bolashaq kele jatyr - The Guardian
ASTANA. QazAqparat - The Guardian basylymynda «Oıan, adamzat! Joǵarytehnologııaly ýtopııalyq bolashaq kele jatyr» atty maqala jarııalandy. Onda maqala avtory tehnıkalyq progresstiń mindetti emes ekenin aıtady.
«Biz júrgizýshisi joq kólikter men tolyǵymen avtomattandyrylǵan «aqyldy úıler», jasandy ııntellekt zamanyna aıaq bastyq. Bizdiń dáýirimizde tehnologııalyq ózgerister jyldam damyp jatqan joıqyn kúsh retinde sıpattalady: ne adamzat tsýnamıge qarsy turýdy úırenedi, ne sýǵa batyp ketedi. Degenmen, adamzattyń únemi tańdaýy bar. Dese de, keıde biz durys sheshim qabyldaı bermeımiz» dep jazady avtor.
Onyń paıymynsha, tehnologııany adamzat jasap qana qoımaı, ony qalaı paıdalaný kerektigin de ózi sheshedi.
«Mysaly, feık sýretter men jalǵan vıdeo jasaıtyn jasandy ıntellekt ónimderin ajyratý múmkin bolmaı bara jatyr. Bul bara-bara buqaralyq aqparat quraldaryna degen senimdi azaıtyp, múddeli top óz degenderine jetýi múmkin. Osylaısha jasandy ıntellekt tehnologııalaryn jasaýmen aınalysatyn zertteýshiler lıberaldy demokratııany «tunshyqtyrýǵa» kúsh salyp jatyr. Mundaı jaǵdaıǵa adamzat jol berýi kerek pe?» dep jazylǵan maqalada.
Túıindeı kele, avtor joǵary tehnologııa jetistikterin kókke kóterip maqtaı berýdi doǵarý kerektigin alǵa tartady.
