Oxfam elder arasyndaǵy turǵyndar teńsizdigi reıtıngin jasady
ASTANA. QazAqparat - Brıtandyq Oxfam qaıyrymdylyq uıymy fýtboldan álem chempıonatyna balama aqtyq kezeń kestesi úlgisinde elder arasyndaǵy turǵyndardyń múliktik teńsizdigi reıtıngin ázirledi, dep habarlady Bı-Bı-Sı.
Oxfam nusqasyna sáıkes, «teńsizdik chempıonatyndaǵy» eń úzdik nátıjeni baı men kedeı turǵyn arasyndaǵy tabys aıyrmasy barynsha jaqyn Belgııa memleketi kórsetip otyr.
Al 2014 jylǵy álem birinshiliginiń qojaıyny atanyp otyrǵan Brazılııa Oxfam «chempıonatynda» alǵashqy aınalymda-aq súringen.
Latynamerıkalyq birqatar elderdegi tabys alshaqtaǵy aıtarlyqtaı emes. Degenmen Oxfam málimetterine sáıkes, dál osy óńirde baılar men kedeıler arasyndaǵy tabys aıyrmashylyǵynyń qysqara túsý úrdisi baıqalady.
Oxfam týrnırlik kestesine sáıkes, «teńsizdik chempıonatyndaǵy» barynsha jupyny nátıje Reseı men Ganaǵa buıyryp tur.
