Ovcharka ıesin qaýyp óltirdi
ASTANA. QazAqparat - Týla oblysynyń Kıreevsk qalasynda polıtsııa qyzmetkerleri óz ıesin qaýyp óltirip, jergilikti turǵyndar úshin qaýip tóndirgen ıtti atyp tastady, dep habarlady dúısenbi kúni «Interfaks» agenttigine oblystyq ІІMB baspasóz qyzmetiniń basshysy Andreı ıArtsev.
Onyń aıtýynsha, kezekshilik bólimge Kıreevsk kósheleriniń birinde nemis ovcharkasy arsyldaı úrip, júgirip júrgeni týraly habarlama kelip túsken. Bul rette janýardyń tumyldyryǵy men qarǵybaýy bolǵan joq, ıesi de baıqalmady.
Aldyn ala málimetter boıynsha, ovcharkanyń 63 jastaǵy ıesi ony tamaqtandyrý kezinde torly orynnyń esigimen ıttiń tabanyn qystyryp alǵan. Janýar er adamdy qaýyp, odan keıin úı janyndaǵy aýmaqqa shyǵyp ketken. Er adam alǵan jaraqattarynan oqıǵa ornynda kóz jumdy.
Janýardy atý úshin polıtseıler tabeldik qarýdy paıdalanǵan. Turǵyndardyń eshqaısysy zardap shekken joq.
