Otyrarlyq dıqandar «Altyn kúz» merekesin toılady
OTYRAR. QazAqparat – Túrkistan oblysy Otyrar aýdanynda «Altyn kúz-2019» merekesi saltanatty túrde atalyp ótti. Merekelik sharaǵa qatysqan aýdan ákimi Ábdiǵalı Júnisov aýyl sharýashylyq tehnıkalary men asyl tuqymdy iri qara jáne usaq maldar qoıylǵan kórmeni tamashalap, mereke aıasynda uıymdastyrylǵan jármeńkeni aralap kórdi, dep habarlaıdy QazAqparat tilshisi.
Jergilikti ónimderge basymdyq bergen jármeńkede kópshilikpen birge aýdan basshysy da saýda jasap, jergilikti baqsha ónimderin satyp aldy. Onda qoıylǵan aýyl sharýashylyq jáne baqsha ónimderiniń baǵasy ózge saýda oryndarynan 15-20 paıyz tómen bolǵandyqtan, tutynýshylardyń qarasy kóp boldy. Sharýalar men dıqandarǵa merekelik izgi tilegin jetkizgen aýdan ákimi dıqandar men sharýalardyń orasan zor eńbegin erekshe atap ótti.
«Elimiz egemendigin alǵannan keıin memleket basshysy men úkimettiń arqasynda memleketimizdiń aýyl sharýshylyǵy salasy ósip, órkendep, damyp keledi. Ol úshin kóptegen memlekettik baǵdarlamalar jasalyp, osy baǵytta tıisti jumystar atqarylýda. Bul oraıda aýdanymyzdyń sharýalary egin jáne mal basyn kóbeıtý isin ǵylymmen ushtastyra otyryp, birqatar tabystarǵa qol jetkizdi. Sonyń nátıjesinde aýdanymyzda mal basy ósip, egistik jer kólemi ulǵaıyp, ónim alý kórsetkishi eselendi», -dedi Ábdiǵalı Júnisov.
Aýdan basshysynyń sózinshe, aǵymdaǵy jyly aýdanda aýyl sharýashylyǵy salasy úshin jemisti jyl boldy. Jyl basynda 33 107 ga jerge túren salynsa, onyń 11 316 ga alqabyna Otyrardyń brendine aınalǵan júgeri daqyly egilgen.
«Toǵyz aıdyń qorytyndysy boıynsha 14 mlrd 846 mln teńgeniń ónimi óndirilip, jospar 104,5 paıyzǵa oryndaldy. Buǵan aýyl eńbekkerleriniń sińirgen eńbegi orasan zor. Sondyqtan da barsha aýdan turǵyndary men kásipkerlerdi «Altyn-kúz» merekesimen quttyqtaımyn. Aýdan qoryn aýyl sharýashylyq ónimderine toltyra berińizder»,- dedi Ábdiǵalı Júnisov.
Bul kúni eńbegi elengen sharýalar qýanyshqa kenelip, san salanyń úzdikteri marapattaldy. Máselen, aýyl sharýashylyq ónimderin óndirý, ósirý nátıjesi Shilik aýyl okrýgi úzdik dep tanylsa, Maıaqum jáne Kóksaraı aýyl okrýgteri júldeli ekinshi, úshinshi oryndardy ózara bólisti. Sondaı-aq shara barysynda bir top aýyl sharýashylyq salasynyń ókilderi aýdan ákiminiń Alǵys hatymen, arnaıy sertıfıkattarmen jáne aýdandyq agrokeshen qyzmetkerleri kásipodaǵynyń «Eleýli eńbegi úshin» tósbelgisimen marapattaldy. Olarǵa arnaıy jáne zattaı baǵaly syılyqtar tapsyryldy. Іs-shara sońy aýdan kórkemónerpazdarynyń kontserttik baǵdarlamasyna ulasty.
