Otyrardaǵy jıynda ózekti taqyryp qozǵalyp, jetistikter de saralandy
ShYMKENT. QazAqparat - Ońtústik Qazaqstan oblysy Otyrar aýdanynda Táýelsizdigimizdiń torqaly toıyna oraı ıgi sharalar legi jalǵasýda, dep habarlaıdy aýdan ákimdiginiń baspasóz qyzmeti.
Temir aýylynda «Dinı ekstremızm - ǵasyr indeti» taqyrybynda semınar ótse, Otyrar aýylynda «Táýelsiz jyldardyń ótkeni men búgini» atty pikir-saıys uıymdastyryldy. Sondaı-aq, qoǵamdyq keńestiń kezekti otyrysynda aýyl okrýgteri ákimderiniń 10 aılyq esebi tyńdaldy.
2016-2018 jyldarǵa arnalǵan aýdan bıýdjetine ózgerister engizý týraly qaýly jobasy da qaraldy. Dinı shara ekstremızm kórinisteriniń aldyn-alý jáne ony boldyrmaý, elimizde saıası turaqtylyqty saqtaý maqsatynda ótti. Shara barysynda din ókilderi baıandama jasap, elimizdiń erteńi jastarǵa ıslam dini beıbitshilikke úndeıtin din ekenin aıtyp, jastardy dástúrli ıslamnyń qundylyqtaryn saqtaýǵa shaqyrdy.
Oqýshylar arasynda ótken pikir-saıysta eki top saıası format úlgisimen 4 kezeńde óz oılaryn ortaǵa saldy. Shırek ǵasyr sheńberinde jetken jetistikter men táýelsizdik mánin óskeleń urpaqqa tereńirek tanystyrý maqsatynda ótken shara jeńimpazdary arnaıy alǵys hatpen marapattaldy.
Otyrarda bıyldyqqa aýyl sharýashylyǵy salasy órkendep, 2 myń gektarǵa jýyq jerge egis egilgen. Bul ótken jylmen salystyrǵanda 109 paıyzdy quraǵan. Usaq sharýashylyqtardy irilendirý maqsatynda «Otyrar-Samǵaý» ÓK men «Otyrar nury» MTS qurylyp, óz jumystaryn bastaǵan.
Sondaı-aq, mal basynyń ósiminde de ilgerileýshilik baıqalady. Osylaısha, otyrarlyqtar torqaly toı qarsańynda belsendilik tanytýda. Áleýmettik-saıası is-sharalar legi jalǵasýda. Munyń bári aýdan turǵyndaryna beıbit kúndi sezindirý maqsatyn da qolǵa alynǵan.
Óz kezeginde halyq ta tynyshtyq pen toqtyq zamanǵa shúkir desedi.
