Otyrardaǵy kitaphana-murajaıǵa murajaı mártebesin berý kerek - depýtat M. Shalahmetov
ASTANA. Qazannyń 13-i. QazAqparat /Qanat Mámetqazyuly/ - Otyrar qalasyndaǵy kitaphana-murajaıdy naǵyz murajaıǵa aınaldyryp, oǵan murajaı mártebesin berý kerek. Búgin QR Parlamenti Májilisiniń jalpy otyrysynda depýtat Úkimet basshysynyń atyna saýal joldaǵan Myrzataı Shalahmetov osylaı málim etti.
«Álemde Aleksandrııadan keıingi eń iri kitaphana qazaq dalasynyń Otyrarynda oryn tepkeni belgili. Búgingi kúni eskiniń jurnaǵyndaı Otyrarda rýhanı kitaphana-murajaıy ashylyp, kóneni jańǵyrtýdyń yrymy jasalyp jatyr. Tarıhshylardyń sózine qaraǵanda, dúnıege oqymystylyǵy, bilim men ǵylymǵa qushtarlyǵymen tanylǵan otyzǵa tarta «Farabtan shyqqan» ǵulamalar bar eken. Kitaphanada sonyń 11-iniń qoljazbalary da, qazaq halqynyń basqa da ǵulamalarynyń eńbekteri de bar. Aýdan basshylary tarapynan jaqynda osy kitaphanaǵa kelisti ǵımarat salyndy. Endigi maqsat - kitaphana-murajaıdy shyn murajaıǵa aınaldyrý, ıaǵnı kitaphanaǵa murajaı mártebesin berý kerek», - dedi depýtat.
Onyń aıtýynsha, atalǵan máselege Mádenıet mınıstrligi de qoldaý bildirgen.
