Otyrarda jańa balabaqsha ashyldy
ASTANA. QazAqparat - El Táýelsizdiginiń 25 jyldyǵy jáne «Uly Dalanyń 25 juldyzdy kúni - Bilim» aktsııasy aıasynda Otyrar aýdanynyń Arys aýylynda «Bıbi - Ajar» balabaqshasy ashyldy, dep habarlaıdy aýdan ákimdiginiń baspasóz qyzmeti.
Táýelsizdik merekesine tartý retinde ashylǵan balabaqshanyń ashylýyna aýdan ákiminiń orynbasary Ryskeldi Álish qatysyp, kópshilikti merekemen quttyqtady. Quttyqtaý sózinde aýdan ákiminiń orynbasary «El bolamyn deseń - besigińdi túze» dep, uly jazýshy M.Áýezov aıtqandaı otanyn súıýge, ata-anasyn syılaýǵa, óz elin qadirleýge balany kishkentaı kezinen bastap baýlý kerek.
Búldirshinderdiń tárbıesine durys kóńil bóletin bolsaq, bolashaqta bilim men tárbıe egiz bolyp, eldiń bolashaǵyn kórkeıtetin azamattar ósip shyǵady. Búgingi kúni «Balapan» baǵdarlamasymen aýdanymyzda 20 memlekettik, 5 jekemenshik balabaqshalar óz jumystaryn jasaýda. Búgingi balabaqshanyń ashylýy jáne qýanyshtaryńyz qutty bolsyn!» dedi. Balabaqshanyń ashylý sátinde aýyl aqsaqaldary men aýdan ákiminiń orynbasary Ryskeldi Álish saltanatty túrde lentasyn qısa, Myrzahmet Temirbekov aq batasyn berdi.
Elbasymyz Nursultan Ábishuly Nazarbaevtyń tikeleı qoldaýymen qolǵa alynǵa «Balapan» baǵdarlamasy aıasynda jumysyn bastaǵan balabaqshada 2 topta 50 búldirshin tárbıelenedi.
