Otyrarda Vızıt ortalyǵynyń qurylysy qarqyndy júrýde
TÚRKІSTAN. QazAqparat - Túrkistan oblysy, Otyrar aýdanynda Vızıt ortalyǵynyń qurylysy júrýde. Otyrar qoryq-mýzeıiniń bazasynda salynyp jatqan ortalyq tarıhı -mádenı mura nysandaryn qorǵaý men olardyń zamanaýı talaptarǵa saı saqtalýyn qamtamasyz etýge yqpal etpek, dep habarlaıdy QazAqparat tilshisi.
Sala mamandarynyń sózinshe, Otyrar vızıt-ortalyǵyn salýdaǵy maqsat - kommýnıkatsııa, mádenı aqparat jáne shyǵarmashylyq ınnovatsııalar ortalyǵyn jasaý bolyp otyr. Sondaı-aq, qoryq-mýzeıdiń fýnktsııalaryn mádenı-aǵartý men ımıdjdik ortalyq deńgeıine deıin keńeıtip, tarıh ǵylymy, arheologııa, restavratsııa, ónertaný, etnografııamen ushtastyrýǵa jaǵdaı jasalady.
Ortalyqtyń ǵımaratynda arheologııalyq qoryq, tarıhı-mádenı jáne týrıstik ortalyq qurýǵa, sonymen qatar, mýzeı-kórme júıemen ózara baılanystaǵy ortalyqtandyrylǵan qor-saqtaǵyshty jasaýǵa baǵyttalǵan. Al, ekspozıtsııa zaldary fýnktsıonaldyq baǵdarlamada ár ýaqytta bolatyn ózgerister men túzetýlerdi eskerip jobalanǵan.
Ekinshi qabatta barlyq zaldar úshin qosalqy bólme qarastyrylyp otyr. Zaldardyń jobalyq jáne kórkemdik sheshimin ortalyq qyzmetkerleri naqty kórmelik ekspozıtsııanyń taqyryptyq qurylymyna baılanysty jasaıtyn bolady.
Budan ózge, restavratsııalyq jumystar men kórmelik konstrýktsııalardy jasaý jumystary úshin tsokoldyq qabatta sheberhanalar ornalaspaq. Barlyq sheberhanalar mamandyrylǵan restavratsııalyq qondyrǵylarmen jabdyqtalady dep josparlanýda.
Mýzeıge jumys isteýge shaqyrylatyn mamandar úshin kóne Otyrar jurtynda qazba júrgizetin arheologtar úshin 16 oryndyq jataqhana ǵımaraty boı kóteredi.
