Otyrarda kitaphanashylar baıqaýy ótti

Oblys ákimdiginiń baspasóz qyzmetiniń habarlaýynsha, aýyldyq kitaphana meńgerýshileriniń basyn qosqan bilim básekesine aýdan ákimi Erlan Aıtahanov qatysty. Aýdan basshysy baıqaýdyń ashylý saltanatynda sóz alyp «Kitap-adamzat balasy úshin ómirlik shamshyraq ispetti. Salmaǵy aýyr, jaýapkershiligi myǵym, kıesi bar kitapqa erekshe qurmetpen qaraýdyń ózi tárbıeni talap etedi. Táýelsizdigimizdiń 25 jyldyq tarıhı kezeńderi de osy kitaphana sórelerinde tarıhqa toly jádigerler bolyp qalanýda. Eńbekterińizge tolaǵaı tabystar tileımin, qurmetti kitaphanashylar!» - dep úmitkerlerge sáttilik tiledi.

Tórt bólimnen quralǵan baıqaýda kitaphana meńgerýshileri bilim deńgeılerimen qatar ónerden de kende emes ekenin dáleldeı bildi. Baıqaý máresine jetip úzdikter anyqtaldy.

Bas báıgeni Arys aýyldyq kitaphana meńgerýshisi M.Sháripbekova qanjyǵasyna baılasa, 1-shi oryndy Qoǵam aýyldyq kitaphana meńgerýshisi U.Páttel, 2-shi oryndy Arys aýyldyq №10 kitaphana meńgerýshisi N.Baınazarova, 3-shi oryndy Shytty aýyldyq kitaphana meńgerýshisi G.Dáýrenbekova ıelendi. Ózge de úmitkerler alǵys hat pen arnaıy nomınatsııalarmen marapattaldy.