Otyrarda kásipkerler keńesti
ShYMKENT. QazAqparat - Ońtústik Qazaqstan oblysynyń Otyrar aýdanynda el Táýelsizdiginiń 25 jyldyǵyna oraı Kásipkerlik mektebi ǵımaratynda aýdan kásipkerleriniń qatysýymen «Shaǵyn jáne orta bıznesti damytý aýdannyń ekanomıkasy men áleýmettik áleýtin nyǵaıtýdyń negizi» taqyrybynda kezdesý bolyp ótti, dep habarlaıdy aýdan ákimdiginiń baspasóz qyzmeti.
Kásipkerlikti qoldaý baǵdarlamasymen tanystyrý, shaǵyn jáne orta bızneske qoldaý kórsetý maqsatynda ótken jıynǵa Otyrar aýdany ákiminiń orynbasary Ábdiǵalı Júnisov qatysyp, kásipkerlerdi Qazaqstan Respýblıkasy Táýelsizdiginiń 25 jyldyǵymen quttyqtap, taqyrypqa saı óz pikirimen bólisti.
Kezdesý barysynda aýdandyq kásipkerlik bóliminiń bas mamany Ý.Shoıbekov kásipkerlikti qoldaýda memleket tarapynan kórsetiletin jeńildikter týraly baıandasa, «Kásipkerlerge qyzmet kórsetý ortalyǵy» jaýapkershiligi shekteýli seriktestigi Otyrar aýdandyq fılıalynyń dırektory A.Tólimbetov, «Atameken» Ulttyq kásipkerler palatasy Otyrar aýdandyq fılıalynyń menedjeri Q.Jaqashov kásipkerlerge kórsetiletin qyzmetter men sharttary, talaptaryn aıtyp, kásipkerlik ashýǵa múmkindik mol ekendigin jetkizdi.
Jıyn sońyn qorytyndylaǵan aýdan ákiminiń orynbasary Ábdiǵalı Aıtjanuly memlekettik baǵdarlamalar aıasynda Otyrar aýdanynda kóptegen ıgilikti isterdiń atqarylǵandyǵyna toqtalyp, kásipkerlerdi baǵdarlama aıasynda jasalynyp jatqan jeńildikterdi paıdalanýǵa shaqyrdy.
