Otyrarda kanalǵa aǵyp kete jazdaǵan eki jasóspirim qutqaryldy
ShÁÝІLDІR. QazAqparat - Túrkistan oblysynda shomylyp júrip, sýǵa kete jazdaǵan 14 jáne 11 jasar eki jasóspirim qutqaryldy, dep habarlaıdy QazAqparat tótenshe jaǵdaılar komıtetine silteme jasap.
Búgin Túrkistan oblysy Otyrar aýdanynda 2006 jáne 2009 jyly týǵan eki bala úlkenderdiń qaraýynsyz ruqsat etilmegen jerde shomylǵan. Balalaryn taba almaǵan ata-analar Túrkistan oblysynyń qutqarýshylaryna qońyraý shalǵan.
Oqıǵa ornyna TJD eki qyzmetkeri shyqty. Balalar kanaldyń aǵysymen júzip, jaǵaǵa shyǵa almaǵan. Azamattyq qorǵaý kapıtany M. Kemelhanov kúndizgi 13:05 kezinde balalardy sýdan alyp shyqty. Qutqarý kezinde balalardyń azdap qorqyp qalǵany bilindi. Olar aman-esen ata-anasyna tapsyryldy.
«Árbir adam shomylatyn sý aıdynynyń qaýipti oryndary men erekshelikterin bilýi tıis, óıtkeni beton plıtalarmen nemese taspen jabylǵan arnalarda múk ósip, túbi taıǵaq bolady. Mundaı arnadan shyǵý qıyn. Tipti jattyǵyp júrgen júzgish te arnada shomylyp, ómirine qaýip tóndiredi. Sýǵa túser aldynda sý aıdynyn tekserý kerek, shomylýǵa tańdalǵan oryn qum jaǵasynda jáne sýǵa yńǵaıly túsýge múmkindik bolý kerek, sýǵa túsý úshin tańdalǵan orynda, tyrbıǵan aǵashtar, bórene joqtyǵyna, túbi shuńqyrsyz jáne kemersiz birtindep eńis bar ekenine kóz jetkizý kerek. Tamaq ishkennen keıin bir-bir jarym saǵattan keıin shomylýǵa bolady», - dep eskertedi qutqarýshylar.
Tótenshe jaǵdaılar departamenti eresekterge kámeletke tolmaǵan balalardy qaraýsyz qaldyryp nemese olardy jalǵyz shomylýǵa jiberýge bolmaıtynyn eskertedi.
