«Otyrar jádigerleri» atty kitap jaryq kórdi
TÚRKІSTAN. QazAqparat - Túrkistan oblysynyń Otyrar aýdanynda "Otyrar jádigerleri" kitaby jaryq kórdi. Aýdandyq əkimishiliktiń demeýshiligimen jaryq kórgen týyndynyń avtorlary memleket jáne qoǵam qaıratkeri Qýanysh Aıtahanov pen etnograf, ólketanýshy Abdýlla Jumashev, dep habarlaıdy QazAqparat tilshisi.
Elbasymyz N.Á.Nazarbaevtyń "Rýhanı jańǵyrý" baǵdarlamasynyń aıasynda jaryq kórgen týynda týǵan jerdiń qasıetti jerleri men jádigerlerin nasıhattaý maqsatynda shyǵyp otyr. Albom-kitap Otyrar órkenıeti qalyptastyrǵan zattyq-turmystyq jəne rýhanı mədenıetten syr shertedi. Onda Əbý Nəsir əl-Farabı jəne onyń arǵy-bergi izbasarlarynyń qoljazbalary men tasbaspa muralary, olardyń ózi jəne otbasy tutynǵan múlikter men basqa da arheologııalyq-etnografııalyq qolóner buıymdary jaıly jazylǵan.
Sondaı-aq, sharýashylyq qural-saımandary, Otyrardyń qupııa kómbeleri, 1930 jylǵa deıin Arystanbab kesene-meshiti janynda rýhanı aǵartý oshaǵy bolǵan shaǵyn musylman kitaphanasy týraly da sóz bolady. Kitaptaǵy ıllıýstratsııalyq materıaldar negizinen Otyrar memlekettik arheologııalyq qoryq-mýzeıi men «Rýhanııat - Əbý Nəsir əl-Farabı mýzeıi» memlekettik kommýnaldyq qazynalyq kəsiporynnyń qorynda, sondaı-aq, jeke kisilerdiń qolynda saqtalǵan qolóner buıymdarynyń túpnusqasynan, fotosýretterden túsirilip paıdalanylǵan. Tyń týyndy ejelgi zattyq jəne rýhanı murany qasterleıtin kópshilikke arnalyp otyr.
