«Otyrar» mýzeı qoryǵynyń vızıt ortalyǵynda ál-Farabıdiń ekspozıtsııalyq zaly ashylady

NUR-SULTAN. QazAqparat – Mádenıet jáne sport mınıstri Aqtoty Raıymqulova Ábý Nasyr ál-Farabıdiń 1150 jyldyǵy aıasynda ǵalymnyń esimin ulyqtaý jumysy qalaı júrgizilip jatqanyn baıan etti, dep habarlaıdy QazAqparat tilshisi.

«Ábý Nasyr ál-Farabıdiń 1150 jyldyǵy aıasynda mınıstrlik tarapynan «Ustazdyń qaıta oralýy» derekti fılmi túsirildi. Elimizdiń barlyq mýzeıleri men kitaphanalarynda taqyryptyq kórmeler uıymdastyryldy. Sonymen qatar, Otyrar qalashyǵynda soltústik qaqpalardy, qamal qabyrǵalaryn, turǵyn kvartaldaryn, magıstraldy kóshelerdi, meshitterdi jáne qysh sheberhanalardy qalpyna keltirý bastaldy», - dedi Aqtoty Raıymqulova OKQ alańy arqyly onlaın rejımde halyq aldynda esep berý kezdesýinde.

Mınıstr sonymen qatar úsh tilde ǵalymnyń 7 tomdyq eńbegi jaryq kórgenin jetkizdi.

«Almaty qalasynda halyqaralyq deńgeıde «Álemniń ekinshi ustazy» Ábý Nasyr ál-Farabıdiń 1150 jyldyq mereıtoıyn atap ótilýi bastaldy. Qazaq ulttyq ýnıversıtetinde «Ál-Farabı atyndaǵy ortalyq» ashyldy. Aldaǵy ýaqytta «Otyrar» respýblıkalyq mýzeı qoryǵynyń jańa vızıt ortalyǵynda ál-Farabıdiń ekspozıtsııalyq zalyn ashý josparlanýda», - dep túıdi Aqtoty Raıymqulova.