Otyrar mýzeı ispettes kelbetke ıe bolýy kerek - ákim
TÚRKІSTAN OBLYSY. QazAqparat - Túrkistan oblysynyń ákimi Janseıit Túımebaev Otyrar aýdanyna jumys saparymen baryp, «Otyrar tóbe» qalashyǵyndaǵy mamandarmen bas qosty. Túrkistan qalasynyń damýy boıynsha kelgen sáýletshiler men arheolog, tarıhshylar aımaq basshysymen kezdesýde kóne shahardyń aglomeratsııasy qandaı bolǵanyn aıtyp berdi, dep habarlaıdy QazAqparat tilshisi.
«Otyrar qalashyǵyna kele jatqanda birneshe tóbeler bar. Olardyń bárine zertteý júrgizilýi kerek. Kezinde Otyrar úlken qala bolsa, sonyń aınalasyndaǵy aýyldar oǵan qyzmet jasaǵan. Mysaly, «Altyntóbe» degen jerde osy shaharǵa qajetti tıyndardy, aqshalardy, áıelderge áshekeı buıymdaryn basqan. Odan keıin «Jaman tóbe» degen jerde maldy soıyp etin jiberip otyrǵan. «Shaqty tóbe» deıdi. Onda pyshaqtardy qaıraǵan. ıAǵnı, aglomeratsııa sol kezde bolǵan. Qazir kóne qalashyqty damytýǵa oblys qazynasynan qarjy bólinip jatyr. Sebebi, munda keletin týrısterge tıisti jaǵdaı jasalý kerek. Negizinen, bul aımaq keleshekte ashyq aspan astyndaǵy mýzeı ispettes kelbetke ıe bolýy kerek», - dedi Janseıit Túımebaev.
Munan soń, jumysshy top Otyrar memlekettik arheologııalyq qoryq-murajaıyn aralady. Ondaǵy kúrdeli jóndeýden ótken ekspozıtsııa zalynyń jumystarymen tanysty.
Otyrar qalashyǵy b.z.b I ǵasyrǵa jatady. Shahardyń aýmaǵy uzyndyǵy men enine qaraı shamamen bir kúndik jer bolǵan. ıAǵnı, Otyrar sol kezde 200 gektardaı jerdi alyp jatyr. Qalanyń mádenı ortalyqtarynda kezdesetin órttiń izderi bul qala bir ret emes, birneshe ret shabýyldarǵa ushyraǵandyǵyn kórsetedi.
«Mádenı mura» jáne «Ejelgi Otyrardy jańǵyrtý» memlekettik baǵdarlamalary aıasynda 2004-2007 jyldary Otyrar qalashyǵynyń XIV ǵasyrdyń juma meshiti, XVI ǵasyrdyń turǵyn úı oramy, XI-XII ǵasyrlardyń turǵyn jaılary, qabyrǵalar, ortalyq qaqpa jáne «Darvaza-ı sýfı», stratıgrafııalyq shýrf, XIV ǵasyrdyń monshasy syndy birqatar eskertkishteri zerttelip, olardy konservatsııalaý jáne mýzeılendirý boıynsha aýqymdy jumystar júrgizilgen.
Búgingi kúni Otyrar aýdanynyń 50 myńnan astam turǵyny bar. Al ejelgi qalany kórýge jylyna odan eki ese kóp týrıst keledi.
Týrısterge qolaıly jaǵdaı týǵyzý maqsatynda aýdandyq bıýdjet esebinen «Arystanbab» kesenesi men «Otyrar tóbe» qalashyǵy aralyǵyndaǵy 1,7 shaqyrym aralyqty abattandyrý jobalaý-smetalyq qujattamasy ázirlenip, saraptama qorytyndylary alyndy.
