Otyrar men Túrkistannyń 300-den astam qundy tarıhı jádigerleri Astanadaǵy kórmege qoıyldy
Bul kórmeni Otyrar memlekettik arheologııalyq qoryq-mýzeıi men "Áziret Sultan" memlekettik tarıhı-mádenı qoryq-murajaıy birlesip uıymdastyryp otyr. Jádigerlerdi Astana jurtshylyǵyna pash etý ıdeıasy Qazaq handyǵynyń 550 jyldyǵyna arnalǵan.
QR Ulttyq mýzeıiniń kórme qyzmetiniń jetekshisi Kúndııa Úmbetovanyń atap kórsetkenindeı, kórmege Otyrar men Túrkistannyń 300-den astam qundy tarıhı jádigerleri qoıyldy. Onyń ishinde zergerlik buıymdar, qysh ydystar, oıý-órnekpen bezendirilgen saltanatty ǵımarattardyń kirpish pen taqtaıshalardyń bólikteri, qarý-jaraqtar, qoljazbalar, qujattar bar. Olardyń barlyǵy arheologııalyq qazbalar kezinde Otyrar men Túrkistan mańynan tabylǵan biregeı zattar.
"Kelýshilerdiń qyzyǵýshylyǵyn týdyratyn eń sırek jádigerlerdiń biri - kúıdirilgen sazdan jasalǵan qubyr júıeleriniń úlgileri. Onyń pishini konýs tárizdes. Syrtynda sýaǵary bar. Qazirgi ýnıtazdarǵa uqsas. Osyǵan qarap-aq ol zamandarda elimizde bolǵan órkenıettiń qanshalyqty damyǵandyǵyn elestetip kórińizder. Bul Otyrar qalasy, XI-XII ǵasyrlar. Sonymen qatar XV ǵasyrdyń qoladan jasalǵan shamdaly kórmede usynylǵan biregeı jádigerlerdiń biri. Ol Qoja Ahmet ıAssaýı kesenesinen tabylǵan", - dedi K.Úmbetova.
Kórme 2015 jyldyń jeltoqsan aıyna deıin sozylady.