Otyrar memlekettik arheologııalyq qoryq-murajaıy kúrdeli jóndeýdi qajet etedi

Búgin QR Parlamenti Senatynyń jalpy otyrysynda Úkimet basshysynyń atyna saýal joldaǵan depýtat Qýanysh Aıtahanov osylaı málim etti.

«Elbasy N. Nazarbaev qasıetti Túrkistanda zııaly qaýym ókilderimen kezdesýinde mádenı muralardy saqtaý, ony kelesi urpaqqa jetkizý, ulttyń tarıhyn zertteý, ony tereń túsindirý, nasıhattaý arqyly jastardy otanshyldyqqa tárbıeleý mindetterin qoıdy. Osy mindetterdi oryndaýǵa eleýli úles qosyp otyrǵan murajaılardyń biri Otyrar memlekettik arheologııalyq qoryq-murajaıy. Ashylǵanyna shırek ǵasyrdan asqan bul qoryq-murajaıǵa jyl saıyn elimizdiń túkpir-túkpirinen jáne alys-jaqyn shetelderden 100 myńdaǵan týrıster kelip, elimizdiń tarıhı muralarymen, jádigerlerimen tanysady. Alaıda atalǵan murajaıdyń búgingi jaǵdaıy óte qanaǵattanarlyqsyz. Óıtkeni, qazba jumystarynan tabylǵan, elimizdiń І-shi ǵasyrynan bergi ómirinen syr shertetin 20 myńnan astam baǵa jetpes tarıhı jádigerler 1985 jyly salynǵan, ábden tozyǵy jetken ǵımaratta ornalasqan», - deıdi senator.

Onyń aıtýynsha, ǵımaratqa osy jyldary eshqandaı kúrdeli nemese aǵymdaǵy jóndeý jumystary júrgizilmegen. Osyǵan oraı, Q. Aıtahanov elimizdiń baǵa jetpes, qundy tarıhı jádirgerleri saqtalyp turǵan Otyrar memlekettik arheologııalyq qoryq-murajaıy ǵımaratyna kúrdeli jóndeý jumystaryn júrgizý qajettigin aıtyp, oǵan 2012 jylǵy respýblıkalyq bıýdjetten 176 mln. teńge qarjy bólý kerektigin jetkizdi.