Otyrar qoryǵynyń basshysy mýzeı aýmaǵyn saýda núktesi retinde jalǵa bergen - agenttik

NUR-SULTAN. QazAqparat – Otyrar memlekettik arheologııalyq qoryq mýzeıiniń basshysy mýzeı aýmaǵyn saýda núktesi retinde jalǵa bergeni úshin zańǵa tartylyp jatyr, dep habarlaıdy QazAqparat tilshisi.

«Túrkistan oblysynyń sybaılas jemqorlyqqa qarsy kúres departamentiniń qyzmetkerleri Otyrar memlekettik arheologııalyq qoryq mýzeıiniń dırektoryna qatysty sotqa deıingi tergeý amaldaryn júrgizýde. Ol mýzeı aýmaǵyn saýda núktesi retinde jalǵa berip, 150 myń teńge para aldy degen kúdikke ilindi», - dedi QR Sybaılas jemqorlyqqa qarsy is-qımyl agenttiginiń 1-shi departamentiniń asa mańyzdy ister jónindegi tergeýshisi Danııar Bekaıdarov agenttiktiń búgingi «Antıkor LIVE» aıdarynda.

Jedeldetilgen sot óndirisin júrgizýge qatysty ótinim túskennen keıin kúdiktige protsessýaldyq ustaý sharasy qabyldanbaǵan. Qazir tergeý júrgizilip jatyr. Tergeý múddesine baılanysty Danııar Bekaıdarov iske qatysty basqa mán-jaıdy jarııalamaıtynyn málim etti.