Otyrar aýdanynda jol sapasyna monıtorıngtik baqylaý júrgizildi

TÚRKІSTAN. QazAqparat – Túrkistan oblysy Otyrar aýdanyndaǵy jergilikti joldyń sapasyna monıtorıngtik baqylaý júrgizildi. «Sapaly jol - Túrkistan adaldyq alańy» jobalyq keńsesi júrgizgen qoǵamdyq baqylaý jumystary aýdan ortalyǵy Sháýildir jáne Otyrar aýyldarynda ótti, dep habarlaıdy QazAqparat tilshisi.

Avtokólik joldarynyń sapasyn saraptaý maqsatynda júrgizilgen sharaǵa «Túrkistan - adaldyq alańy» jobalyq keńsesiniń menedjeri Erulan Tuńǵyshbaev pen aýdan ákiminiń orynbasary Toqseıit Elekeev, jol salasyna jaýapty bólim basshylary men arnaıy monıtorıng tobynyń músheleri, «Nur otan» partııasy fılıalynyń ókilderi men tilshiler, jol sapasy zerthanasy mamandary men jaýapty merdiger kompanııa basshylary qatysty.

Monıtorıng barysynda jyljymaly jol zerthanasy arqyly jańadan salynǵan 5 kósheden synama alyndy. Tekserý nátıjesinde asfalt tósendileriniń jáne sýaǵarlardyń smetalyq qujatta kórsetilgen qurylys talaptaryna saı júrgizilgeni anyqtaldy.

Aıta keteıik, aldaǵy ýaqytta jobalyq keńse tarapynan oblystaǵy barlyq aýdan-qalalardyń joldary baqylaýǵa alynyp, monıtorıng jumysy júıeli túrde júrgizilmek.