Otyrar aýdanynda qoǵamdyq keńestiń kezekti otyrysy ótti
OTYRAR. QazAqparat – Túrkistan oblysy, Otyrar aýdanynda qoǵamdyq keńestiń kezekti otyrysy ótti. Basqosýda keńes músheleri densaýlyq saqtaý salasyndaǵy atqarylyp jatqan jumystar barysyn talqylady, dep habarlaıdy QazAqparat tilshisi.
Keńeste aýdandyq ortalyq emhananyń bas dárigeriniń orynbasary Sálıma Orazbaı baıandama jasap, medıtsına salasynda týyndap jatqan birqatar máselelerdi kóterdi. Ol óz sózinde medıtsına qyzmetkerleriniń biliktiligin kóterý men tájirıbesin shyńdaý maqsatynda medıtsınalyq ortalyqtar men joǵary oqý oryndarynda arnaıy kelisimge sáıkes kásiptik biliktikterin arttyryp jatqandyǵyn atap ótti. Sondaı-aq jas náresteler arasyndaǵy ólim-jitim tómendep, týbýrkýlez aýrýymen aýyratyndar sanynyń azaıǵandyǵyn sóz etti. Desek te bas dárigerdiń orynbasary aýdanda onkologııalyq aýrýdyń órship turǵanyn aıta kelip, bul baǵytta birshama tıisti jumystardyń atqarylyp jatqandyǵyn jetkizdi.
Jıynda qoǵamdyq keńes músheleri S.Qydyr, M.Belgibaı, S.Aqylovtar portal máselesine kópshiliktiń kóńili tolmaıtyndyǵyn, aýyldardaǵy jedel-járdem kólikteriniń eski ekendigin basa aıtyp, emhana aınalasyn kógaldandyrý jóninde usynystaryn ortaǵa saldy. Keńes músheleri tarapynan aıtylǵan syn-eskertpelerdi rastaǵan S.Orazbaı aldaǵy ýaqyttarda jumys barysynda basshylyqqa alyp, tıisti qorytyndy shyǵatyndyǵyna sendirdi.
