Otyrar aýdanynda qarttar men múmkindigi shekteýli jandar ekskýrsııaǵa attandy
ASTANA. QazAqparat - OQO Otyrar aýdany ákimdiginiń uıytqy bolýymen el Táýelsizdiginiń 25 jyldyǵy aıasynda 1 qazan - Qarttar men múgedekter kúnine oraı ekskýrsııa uıymdastyryldy.
Mereıli mereke qarsańynda ótkizilip otyrǵan shara barysynda qarttar men múmkindigi shekteýli jandarǵa qurmet kórsetilip, olar ekskýrsııa ótetin Shymkent qalasyna saparǵa shyqty. Merekelik kóńil kúı syılaǵan sharaǵa qatysqan aýdan ákimi Erlan Aıtahanov ardagerlerdi quttyqtap, bıylǵy mereke el Táýelsizdiginiń 25 jyldyǵy qarsańynda ótip jatqanyn atap ótti.
«Qarttarǵa qamqorlyq - bizdiń halqymyzdyń sanasyna tereń sińgen qasıet ekenin aıtty. Elbasymyz Nursultan Ábishuly Nazarbaevtyń sarabdal saıasatynyń arqasynda Qazaqstanda ardagerlerge qamqorlyq jasaýda aýqymdy sharalar iske asyrylýda. Memleket basshysynyń bastamasymen júrgizilip jatqan reformalar da halyqtyń ál-aýqaty men áleýmettik jaǵdaıyn kóterýge baǵyttalyp otyr. Osynyń biri - búgingi ótkizilgen is-shara»,- dep atap ótti.
Aýdandyq jumyspen qamtý jáne áleýmettik baǵdarlamalar bóliminiń uıymdastyrýymen júrgiziletin ekskýrsııada qarttar men múmkindigi shekteýli jandar Shymkent qalasynyń kórikti jerlerin, Saıram aýdanyndaǵy «Ibragım ata», «Abdýl Azız» bab, «Qarashash ana», «Miráli bab» keseneleri men t.b. tarıhı oryndardy aralaıdy.
