Otyrar aýdanynda elektr jelileri retke keltirilýde
OTYRAR. QazAqparat - Túrkistan oblysy Otyrar aýdany aýmaǵynda tabıǵı qubylys saldarynan joǵary kerneýli 2078 elektr baǵanasy qulap, turǵyndar jaryqsyz qalǵan bolatyn. Qazirgi tańda qaıta qalpyna keltirý jumystary qarqyndy júrgizilýde, dep habarlaıdy Túrkistan oblysynyń Óńirlik kommýnıkatsııalar qyzmeti.
Aýdanda elektr jelisinen ýaqytsha ajyratylyp, jappaı sóndirilgen 9 600 abonentti elektr qýatymen qamtamasyz etý úshin «Ońtústik Jaryq Tranzıt» JShS-niń mamandary úzdiksiz jumys isteýde.
15-16 naýryz kúnderi aralyǵynda joǵary kerneýli 20 baǵana turǵyzylyp, 17 shaqyrym elektr jelileri qaıta qalpyna keltirilgen. Bul jumystarǵa atalǵan mekemeniń 2 brıgadasy jáne Qazyǵurt, Saryaǵash aýdandarynan qosymsha 2 brıgada, 10 tehnıka jumyldyrylǵan.
