Otyrar aýdanynda «EKSPO 2017» kórmesine arnalǵan dóńgelek ústel otyrysy uıymdastyryldy - OQO
Dóńgelek ústelge aýdan ákimi apparatynyń basshysy A.Qurman qatysyp, jıynǵa qatysýshylardy el Egemendiginiń 25 jyldyǵy mereıli merekesimen quttyqtady. Kelesi jyly Astana qalasynda ótetin «EKSPO - 2017 halyqaralyq mamandandyrylǵan kórmesi elimizdiń ǵylymı-tehnıkalyq jetistikterin kórsetý múmkindigi. Kórmeniń maqsaty týraly Elbasymyz N.Á.Nazarbaev:- Respblıkamyzdy kóptegen aspektiler boıynsha - iri energetıkalyq memleket, ýran kenin óndiretin jetekshi el, astyq eksporttaýshy, baı tabıǵı resýrstarǵa ıe memleket retinde biledi. Endi bolashaqqa umtylǵan jańa eldi kórsetý qajet. Ulttyq pavılon tujyrymdamasynyń ózi de Qazaqstan jetken jetistigimen toqtalyp qalmaıtynyn, árdaıym ári qaraı ilgerileýdi maqsat tutatynyn kórsetedi. Kórme Elordamyzdy múlde ózge qyrynan kórsetedi, ony keńeıte jáne kórkeıte túsedi. Búgingi tańda Astanada mańyzdy nysandar az salynǵan joq. Alaıda, EKSPO kesheni - múlde basqa sapadaǵy, HHІ ǵasyr talaptaryna tolyqtaı saı keletin tehnologııalar qoldanylatyn joba. Elorda turǵyndary men meımandary úshin energetıka salasyndaǵy bolashaqpen qaýyshýdyń, ǵylymı jetistikterdi kórýdiń jáne boı kótergen nysandardyń kórkin tamashalaýdyń tamasha múmkindigi týady, - degen bolatyn. Dóńgelek ústel jıynynda «EKSPO 2017» - kórmesiniń maqsattary men mindeti týraly keńinen áńgime bolyp, sharaǵa qatysýshylar óz pikirlerin ortaǵa saldy. Jıyn barysynda S.Seıfýllın atyndaǵy jalpy orta mektebiniń dırektory A.Syzdyqáli mektep oqýshylarynyń «EKSPO 2017» Qazaqstannyń bolashaǵy» taqyrybynda daıyndaǵan jumystarymen tanystyrsa, mekteptiń psıholog mamany B.Ábdiraman «Art terapııa», ıaǵnı, qummen jumys isteýdiń paıdasy týraly jumys tájirıbesimen bólisti.
