Otyrar aýdanyna bıyl kógildir otyn keledi
ShYMKENT. QazAqparat - Ońtústik Qazaqstan oblysy, Otyrar aýdanynyń turǵyndary bıyl kógildir otynǵa qol jetkizedi. Bul týraly aýdan basshysy Erlan Aıtahanov kezekti esep berý jıynynda sóz etti, dep habarlaıdy QazAqparat tilshisi.
Ákimniń aıtýynsha bıyl Sháýildir, Temir aýyldarynyń turǵyndaryn gazben qamtý úshin qurylys jumystary bastalady.
Aýdandaǵy 12 aýyl okrýgin aralap, esep bergen aýdan basshysy qortyndy jıyndy Sháýildir aýylynda ótkizdi. Jıynǵa oblys ákiminiń orynbasary Erbol Sadyr men Otyrar jerindegi barlyq aýyldyń turǵyndarf qatysty. Kezdesýge kelgen kópshilik ótken jyly aýdanda atqarylǵan jemisti jumystardy arnaıy daıyndalǵan beınesıýjetten kórip, qanyqty. Odan soń aýdan ákimi Elbasy Nursultan Nazarbaevtyń 2018 jyly halyqqa arnaǵan «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» Joldaýyna toqtalyp, ondaǵy negizgi 10 baǵytty jan-jaqty sóz etti.
Ákimniń aıtýynsha, aýdan ortalyǵyndaǵy Arys ózeniniń jaǵasyn abattandyrý jáne kógaldandyrý jumystary aıaqtalysymen, Sháýildir aýylyndaǵy kommýnaldyq turǵyn úı men sport kesheniniń qurylys jumystary júrgiziletin bolady.
Sonymen qatar aýdan ákimi Sháýildir aýyl okrýgindegi jańa móltekaýdannyń ınfraqurylymy men 12 páterlik kópqabatty qyzmettik turǵyn úılerdiń qurylys jumystaryna qarjy bólinetinin atap ótti.
Atqarylatyn jumystarmen tanysqan turǵyndar aýdan basshysyna sýarmaly jer, kópqabatty turǵyn úı jáne basqa da áleýmettik máseleler boıynsha saýaldaryn joldady.
Jıyn qorytyndysynda oblys ákiminiń orynbasary Erbol Sadyr sóz alyp, aýdan ákimniń jumysyn baǵalady. Ákimge jańa tapsyrmalar júktep, halyqtyń muń-muqtajyna asa kóńil bólýdi mindettedi.
