Otyn qoımalarynda 1 mln tonna kómir, 35 myń tonna mazýt jınaqtalǵan
«Elektr stansalarynda qajetti otyn jınaqtaý jalǵasýda. Energııa kózderi qoımalaryndaǵy kómir qory 4,5 mln tonnany quraıdy. Bul ótken jylǵy deńgeıden 7 paıyzǵa artyq. Al mazýt 104 myń tonna, bul ótken jylǵy deńgeıden 3 paıyzǵa kóp. Ortalyqtandyrylǵan jylýmen jabdyqtaý júıesindegi qazandyqtardyń otyn qoımalarynda 1 mln 41 myń tonna kómir, 35,5 myń tonna mazýt jınaqtalǵan. Bul bekitilgen normalarǵa sáıkes keledi», - dedi ol.
Nurlan Noǵaevtyń aıtýynsha, bıylǵy jyldyń qyrkúıeginde Energetıka mınıstrligi jergilikti atqarýshy organdardyń ótinimderine sáıkes 237 myń tonna kóleminde «2020-2021 jylǵy kúzgi-qysqy kezeńde áleýmettik-óndiristik obektiler men mekemelerge mazýt jetkizý boıynsha munaı men munaı ónimderiniń negizgi resýrs ustaýshylaryna oblystar men Nur-Sultan, Almaty jáne Shymkent qalalaryn bekitý kestesin» qabyldady.
«Bul rette jylytý kezeńine usynylatyn «áleýmettik mazýt» baǵasy MÓZ zaýyttarynda 1 tonnasy úshin qosymsha qun salyǵyn qosa alǵanda 58 000 teńge deńgeıinde bolady», - dedi mınıstr.
Sonymen qatar, ol búgingi kún tártibindegi mańyzdy másele – energııa óndirýshi kásiporyndardyń otyn úshin kredıtorlyq bereshegi ekendigin basa aıtty.
«Bıylǵy 28 qyrkúıektegi jaǵdaıǵa sáıkes, energııa óndirýshi uıymdardyń «QazTransGaz-Aımaq» AQ aldyndaǵy bereshegi 4 mlrd 600 mln teńgeni qurady. Sondaı-aq, energııa óndirýshi uıymdardyń «Bogatyr-Kómir» seriktestigi aldynda jalpy somasy 3 mlrd 562 mln teńge bereshegi bar. Qaryzdardy joıý boıynsha tıisti jumystardy júrgizýdemiz», - dedi Nurlan Noǵaev.
