Ottava ortalyǵynda óltirilgen sarbazdyń esimi belgili boldy
ASTANA. QazAqparat - Sársenbi kúni Kanadada Ottava qalasynyń ortalyǵyndaǵy atysta qaza tapqan sarbazdyń aty-jóni belgili boldy. Ol - Kanada Qarýly kúshteriniń 24 jastaǵy kapraly Natan Serıllo, dep habarlady «TASS».
Ol Ontarıo provıntsııasy Gamılton qalasynda dúnıege kelgen.
Polıtsııa taratqan málimet boıynsha, sársenbi kúni tańǵy 9-30 shamasynda qara tústi kıim kıgen adam Serıllony myltyqpen atyp, parlament jaqqa júgirgende quqyq qorǵaýshylar onyń ózin atty. Kapral Birinshi Dúnıejúzilik soǵysta qaza tapqan kanadalyqtar qurmetine qoıylǵan memorıaldy eskertkish aldynda qaraýylda bolǵan.
Qylmysker - 1982 jyly týǵan Maıkl Zehaf-Bıbo esimdi Kanada azamaty.
