Otsyz asfaltta jumyrtqa qýyrǵan atyraýlyq jelide tanymal boldy
ATYRAÝ. QazAqparat - Jelide atyraýlyq turǵynnyń kúnniń ystyǵyna jumyrtqa qýyrǵandyǵy týraly vıdeo tanymaldyqqa ıe bolýda, dep habarlaıdy QazAqparat tilshisi.
«Atyraýdaǵy aýa raıy týraly ne aıtýǵa bolady? Otsyz asfaltta jumyrtqa qýyrdyq. 40-42 gradýs ystyq. Mine, solaı...», - deıdi vıdeo avtory.
Aıta keteıik, Atyraýda aptap ystyqqa baılanysty TJ departamenti turǵyndarǵa eskertý jarııalap, ystyq aýa raıy 21 shildege deıin saqtalatyndyǵyn habarlady.
