Otstavkaǵa ketken Gambııa prezıdenti elden qýyldy
ASTANA. QazAqparat - Senbi kúni 21 qańtarda Gambııanyń burynǵy prezıdenti ıAııa Djamme qýǵynǵa ushyrap, Ekvatorlyq Gvıneıaǵa ushyp keldi, dep habarlady Reuters.
Osylaısha, afrıkalyq eldegi daǵdarys máselesi sheshildi.
Djamme álemdik qaýymdastyqtar men kórshiles elderdiń qysymymen otstavkaǵa ketti jáne bılik tizginin prezıdenttik saılaýda jeńiske jetken Adam Barroýǵa berdi. Djammeniń bılikten ketkenin estigen kóptegen halyq kópjyldyq qorqynyshtan seıile tústi.
«Qorqynysh sezimi Gambııadan máńgilikke ketti», - dedi Barroý Senegal astanasy Dakardaǵy qonaq úıge jınalǵan qaýymǵa.
Gambııada prezıdenttik saılaý 2016 jyly 1 jeltoqsanda ótti. Barroý 45,5 paıyz, Djamme - 36,7 paıyz daýys jınady. 18 qańtar kúni ulttyq assambleıa saılaýda jeńilgen Djammeniń prezıdenttik ókilettiligin uzartty. Ol 19 qańtar kúni bılikti Barroýǵa berýi tıis edi, alaıda ol óz jeńilisin moıyndamaı, elde tótenshe jaǵdaı jarııalady.
BUU-nyń Qaýipsizdik Keńesi biraýyzdan Barroýdy qoldap, rezolıýtsııa qabyldady.
