Otshashýdy qalaı zańdy ári qaýipsiz qoldanýǵa bolady

ASTANA. KAZINFORM — Qazaqstanda IV klassqa jatatyn (qýatty) pırotehnıkalyq buıymdardy tek ІІM-niń lıtsenzııasy bar zańdy tulǵalar ǵana paıdalana alady, dep habarlaıdy Abaı oblysy PD baspasóz qyzmeti.

Buqaralyq is-sharada otshashý uıymdastyrý úshin:

• Jergilikti atqarýshy organnan ruqsat alý;
• Іshki ister organdarymen kelisý;
• Іs-shara ótetin kúnge deıin keminde 10 jumys kúni buryn ótinish berý qajet.

Sonymen qatar kelesi qujattardy ázirlep, usyný kerek:

— otshashýdyń tehnıkalyq sıpattamalary;

— otshashý atylatyn orynnyń syzbasy;

— buıymdardy tasymaldaıtyn kólik týraly aqparat.

Otshashý uıymdastyrýshylarǵa birqatar mindet júktelgen:

• Kórermender men qyzmet kórsetýshi personal úshin qaýipsiz jaǵdaı jasaý;

• Pırotehnıkalyq buıymdardy saqtaý men tasymaldaýdyń qaýipsizdigin qamtamasyz etý;

• Qaýipsizdik sharalaryn ishki ister organdarymen kelisý;

• Іshki ister organdarymen birlesip, otshashý ótetin oryndy kúzetý sharalaryn uıymdastyrý.

ІІM atalǵan talaptar buzylǵan jaǵdaıda aıyppul salynatynyn eskertti.

— Ákimshilik quqyqbuzýshylyq týraly kodekstiń 463-baby — ruqsatsyz qyzmet atqarý, 483-baby — pırotehnıkalyq buıymdardy saqtaý, esepke alý, tasymaldaý nemese qoldaný erejelerin buzý. Osy kodeks normalary buzylǵan jaǵdaıda aıyppul salý kózdelgen. Este saqtańyz: otshashý — jaı ǵana kóńil kóterý emes, qaýipti áreket. Mereke qaýipsiz ótýi úshin zań talaptaryn saqtańyz! — dep atap ótti Abaı oblysy PD.

Aıta keteıik, elimizde aıtýly mereke kúnderi qala ortalyqtarynda otshashý atylady. Ádette, merekelik feıerverkterdiń jarqyraýyn tamashalaýǵa jurt kóp jınalady. Al ekolog mamandar otshashýdyń (feıerverk) qorshaǵan ortaǵa zalalyn aıtyp alańdap otyr. Osy oraıda Kazinform tilshisi Ekologııa jáne tabıǵı resýrstar mınıstrliginiń ustanymyn bildi.