Ótpeli ulttyq keńes lıvııalyq basty qalalarda baqylaýdy nyǵaıtqannan keıin Kaddafıdiń saıası jáne áskerı qurylymdary rejımi qulady - NATO
ıÝSSELЬ. 14 qyrkúıek. QazAqparat /Dımash Syzdyqov/ - Ótpeli ulttyq keńes (ÓUK) Trıpolıdi qosa alǵanda, lıvııalyq basty qalalarda baqylaýdy nyǵaıtqannan keıin Kaddafıdiń saıası jáne áskerı qurylymdary rejımi qulady,
dep málimdedi NATO-nyń Brıýsseldegi shtab-páterinde ótken baspasóz máslıhatynda Soltústik-atlantıkalyq alıanstyń resmı ókili Oana Lýngeský.
Onyń aıtýynsha, Lıvııadaǵy jaǵdaı jedel, durys baǵytta damyp keledi. «Biz Ótpeli ulttyq keńes basshysy Mustafa Abdýl Djalıldiń ekstremızm men ósh alýdan bas tartyp, keshirý, mámilege kelý jáne birlik týraly aıtqan sózderin quptaımyz», - dedi O.Lýngeský.
NATO-nyń resmı ókili ÓUK óziniń halyqaralyq pozıtsııasyn nyǵaıta túsip, BUU-nyń Qaýipsizdik keńesiniń bes turaqty múshesiniń tanýyna ıe boldy dep atap ótti. Kelesi aptada Nıý-Iorkte BUU Bas Assambleıasynda «Lıvııa dostary tobynyń» kezdesýi bolady, oǵan NATO bas hatshysy Anders Fog Rasmýssen qatysady.
O.Lýngeský NATO-nyń Lıvııadaǵy mıssııasy aıaqtalmaǵanyn atap ótti, óıtkeni, burynǵysha lıvııalyq keıbir qalalarda jaǵdaı áli turaqtanǵan joq.
Ótpeli ulttyq keńes (ÓUK) eldegi biden-bir legıtımdi organ dep jarııalandy. Búginde ÓUK-ti Qazaqstandy qosa alǵanda, 60-qa jýyq el tanydy.
Budan buryn QazAqparat habarlaǵandaı, Qazaqstan Ótpeli ulttyq keńesti eldegi qazirgi ókimet retinde tanıdy. QR Syrtqy ister mınıstriniń orynbasary Qaırat Sarybaı atap ótkendeı, qazaqstandyq tarap Ótpeli ulttyq keńes azamattyq halyqtyń qaýipsizdigin qamtamasyz etý úshin shuǵyl sharalardy qolǵa alady, sondaı-aq eldiń memlekettik organdarynyń turaqty jumysyn qalpyna keltiredi dep úmittenedi.
