Ótkizý pýnktindegi aqaý Ózbekstan-Qazaqstan shekarasyndaǵy kezekti arttyrdy
ASTANA. KAZINFORM — Qazaqstan UQK Shekara qyzmeti «Qaplanbek» ótkizý pýnktinde Ózbekstan baǵytyna ótýdi kútip turǵan adamdardyń jınalǵanyn habarlady.
Vedomstvo málimetinshe, bul kórshiles aýmaqtaǵy «Novoı» ótkizý pýnktiniń tirkeý júıesindegi irkilisterge baılanysty.
— Qazaqstan tarapynan ótkizý pýnkti shtattyq rejımde jumys istep tur, eshqandaı shekteýler engizilgen joq. Shekara ókilderi sheńberinde ózara is-qımyl uıymdastyryldy. Ózbek tarapynyń málimetinshe, aqaýlardy joıý jáne ótkizý pýnktiniń jumys qabiletin qalpyna keltirý boıynsha sharalar júrgizilip jatyr. Saparlardy josparlaý kezinde osy aqparatty eskerýlerińizdi suraımyz, — delingen UQK habarlamasynda.
Buǵan deıin úsh aıda 680 myńnan astam qazaqstandyq Ózbekstanǵa saıahattap barǵany belgili boldy.
