Ótkinshi jańbyr saldarynan Haınan aralynda 357 myń adam zardap shekti
BEIJІŃ. Qazannyń 7-si. QazAqparat /Rýslan Súleımenov/ - Qazaqstandyq týrısterge tanymal Haınan demalys araly ótkinshi jańbyr saldarynan sý tasqynynyń ortalyǵyna aınaldy.
Qazannyń 6-sy kúngi jaǵdaı boıynsha, Haınan aralyǵyndaǵy Vannın qalasynda zardap shekken halyqtyń sany 357,7 myń adamǵa jetken, onyń ishinde 101 myń turǵyn qamalyp qalsa, 98 myń adam qaýipsiz jerlerge kóshirilgen. Aldyn ala esep boıynsha, ekonomıkalyq shyǵynnyń mólsheri 500 mln. ıýan, 152 myń mý (1 gektar = 15 mý) aýyl sharýashylyq alqaby sý astynda qaldy.
Vannın qalasyndaǵy shelektep quıǵan jańbyr qyrkúıektiń 30-y kúni túnde bastalyp, qazannyń 6-syna deıin jalǵasqan.
