Ótken jyly joǵary sapaly bıdaıdyń úlesi 80 %-ǵa deıin ulǵaıdy
Onyń atap ótýinshe, 2020 jyly kóktemgi dala jumystary sala úshin buryn-sońdy bolmaǵan, múldem jańa jaǵdaıda ótti.
«Mınıstrlik úkimettiń qoldaýymen fermerlerdiń kedergisiz júrip-turýyn, janar-jaǵar maı, qosalqy bólshekter, tuqym, tyńaıtqyshtar men ósimdikterdi qorǵaý quraldaryn jetkizýdi qamtamasyz etetin arnaıy jumys algorıtmin qurdy. Sondaı-aq, kóktemgi dala jumystaryn júrgizýge 70 mlrd teńge kóleminde bıýdjettik nesıe bólindi jáne Memleket basshysynyń tapsyrmasy boıynsha fermerlerge kómek retinde 24,5 mlrd teńgege dándi jáne maıly daqyldardy kepildi forvardtyq satyp alý mehanızmi iske asyryldy», - dedi Saparhan Omarov.
Mınıstrdiń aıtýynsha, qabyldanǵan sharalardyń arqasynda kóktemgi egin egý jáne kúzgi egin jınaý jumystary sapaly ári ońtaıly ýaqytta júrgizildi. Sonymen qatar, egin jınaý jumystary 2019 jylǵa qaraǵanda bir aı buryn aıaqtaldy. Nátıjesinde 20 mln tonnadan astam dándi jáne dándi-burshaqty daqyl jınaldy. Joǵary sapaly bıdaıdyń (1-3-synyptar) úlesi 80 paıyzǵa deıin ulǵaıdy. Al 2019 jyly bul kórsetkish 50 paıyz bolǵan edi.