Ótken jyly joǵalǵan malaızııalyq Boeing-ti izdeý jumystary kóp uzamaı toqtatylýy múmkin
ASTANA. QazAqparat - Qytaı, Avstralııa jáne Malaızııa 2014 jyldyń naýryz aıynda joǵalyp ketken Malaysia Airlines ushaǵyn izdeý jumystaryn birneshe aptadan keıin toqtatýy múmkin, dep habarlady Rosbalt.
Avstralııa úkimet basshysynyń orynbasary Ýorren Trass joǵalyp ketken Boeing-ti izdeý uzaqqa sozylýy múmkin emes ekenin aıtty. Ol úsh eldiń bılik kózderi izdeý is-qımyldarynyń aıaqtalýy týraly kelissózder júrgizip otyrǵanyn qosyp ótti.
Trass sondaı-aq kólemi boıynsha bul operatsııany 1937 jyly jer júzin ushyp ótý sapary kezinde joǵalǵan aty ańyzǵa aınalǵan avıator áıel Amelııa Erhartty izdeýmen salystyrýǵa bolatynyn qosyp ótti.
2014 jyldyń naýryzynda Kýala-Lýmpýrdan Beıjińge ushyp shyqqan ushaq aldyn ala boljam boıynsha Úndi teńiziniń ońtústik bóliginde qulaǵan. Onyń ishinde 227 jolaýshy men ekıpajdyń 12 múshesi bolǵan.
