Ótken jyly sot sheshimi negizinde 7 myńnan astam nysannyń qyzmeti toqtatyldy - TJM
ASTANA. 1 aqpan. QazAqparat /Aıdar Ospanalıev/ - Ótken jyly sot sheshimi negizinde 7 myńnan astam nysannyń qyzmeti toqtatyldy.
24 myń maman men mekeme basshylaryna qaýipsizdik sharalaryn qamtamasyz etýde jibergen kemshilikteri úshin 281 mıllıon teńge kóleminde aıyppul salyndy. Bul týraly búgin Tótenshe jaǵdaılar mınıstrliginiń 2011 jyly atqarǵan jumystaryna baılanysty ótken alqa májilisinde atalmysh vedomstvo basshysy Vladımır Bojko málim etti.
Onyń derekterine qaraǵanda, atalǵan sharalar ónerkásip salasyndaǵy apattardyń sanyn 8,2 paıyzǵa azaıtyp, sońy ólimge alyp keletin dene jaraqattaryn alý jaǵdaılaryn 7,4 paıyzǵa, aýyr jaraqattardyń sanyn 4,5 paıyzǵa kemitýge múmkindik berdi. «Sondaı-aq elde órt oqıǵalarynyń sany 18,2 paıyzǵa tómen bolyp, zardap shekkender 13,3 paıyzǵa, mert bolǵandar 7,6 paıyzǵa azaıdy. Al osy oqıǵalardyń saldarynan bolatyn materıaldyq shyǵyn 3,2 paıyzǵa tómendedi»,-dedi mınıstr.
Onyń aıtýynsha, kelesi 2012 jyly ónerkásip salasyndaǵy qaýipsizdikti qamtamasyz etýshi mamandar qataryn nyǵaıtý kerek. Bul másele ásirese elimiziń batys óńirlerinde, naqtyraq aıtqanda teńizge jaqyn aımaqtarda ózekti bolyp otyr.
