Ótken jyly sanavıatsııanyń kómegimen 4420 patsıentke kómek kórsetilgen
Ondaǵy málimettege qaraǵanda, medıtsınalyq avıatsııanyń kómegimen qyzmetker kórsetilgenderdiń 1468-i (33 %) patologııasy bar bala, 730-y (17 %) jaraqattanǵan, jaısyz jaǵdaıǵa tap bolǵan, ýlanǵandar. Sondaı-aq atalǵan tizimde akýsherlik praktıkadaǵy shuǵyl jaǵdaılar boıynsha qyzmet kórsetilgen patsıentter859 (19 %), qanaınalym júıesi aýrýlary bar patsıentter 560 (13 %), jańa týǵan balalar 517 (12 %), basqa aýrýlary bar 286 (6%) turǵyndar bar.
2022 jyldyń qorytyndysy boıynsha 5230 medıtsınalyq qyzmet oryndaldy, onyń ishinde: medıtsınalyq uıymdarǵa 2381 patsıent (45%) tasymaldandy, 153 kúndizgi konsýltatsııa (3%) ótkizildi, 205 operatsııa (4%) oryndaldy, 2491 (48%) qashyqtan medıtsınalyq qyzmet uıymdastyryldy.
Halyqqa konsýltatsııalyq jáne jedel medıtsınalyq kómek kórsetý úshin Astana, Almaty qalalarynyń respýblıkalyq klınıkalary men medıtsınalyq uıymdarynan 251 maman tartyldy.
«Medıtsınalyq avıatsııa jumysy patsıentterdi tasymaldaý, betpe-bet konsýltatsııalar, operatsııalar júrgizý, qashyqtan medıtsınalyq qyzmetter kórsetý, donorlyq aǵzalar men bıomaterıaldardy tasymaldaý sııaqty baǵyttarda júrgiziledi. Búgingi tańda respýblıka boıynsha ortasha medıtsınalyq avıatsııa táýligine 15 ushýǵa deıin júzege asyrylady»,-delingen habarlamada.
Sondaı-aq mınıstrliktiń málimetterine qaraǵanda, 2022 jyly medıtsınalyq avıatsııa nysanynda medıtsınalyq qyzmetter kórsetý úshin Ulttyq shuǵyl medıtsınany úılestirý ortalyǵynyń dıspetcherlik qyzmetine 2985 ótinim kelip tústi, onyń 628-inen bas tartyldy (meteojaǵdaılar, tehnıkalyq sebepter, patsıenttiń jaı-kúıiniń nasharlaýy jáne t.b.).
2022 jyldyń qorytyndysy boıynsha medıtsınalyq avıatsııa 2357, onyń ishinde tikushaqtarmen – 470, ushaqtarmen – 1887 (onyń ishinde 41 ushýdy Azamattyq avıatsııanyń turaqty reısteriniń áýe kemeleri oryndady) ushýdy oryndady.
Foto: QR Densaýlyq saqtaý mınıstrliginiń baspasóz qyzmeti
