Ótken jyly salyq organdarynyń qyzmetkerleri 43 jemqorlyq zań buzýshylyqtaryn jasady

Bul týraly búgin Parlament Senatynda depýtattarmen kezdesý barysynda QR Qarjy mınıstrligi Salyq komıtetiniń tóraǵasy Dáýlet Erǵojın málim etti.

«2010 jyly 43 quqyq buzýshylyq tirkeldi. Onyń ishindegi zań buzýshylyqtardyń 65 paıyzyn salyq organdarynyń ózderi anyqtady. Atap aıtqanda 46 qylmystyq is qozǵalyp, onyń 76 paıyzy salyq organdarynyń bastamasymen jasaldy»,-dedi komıtet basshysy.

D. Erǵojın salyq qyzmetteri jemqorlyq kórinisteri bolýy múmkin organdardyń biri ekenine toqtala kele, osyǵan baılanysty jemqorlyqqa tosqaýyl qoıý boıynsha tıisti jumystar júrgizilip jatqandyǵyn atap ótti. Onyń sózine qaraǵanda, osy baǵyttarda komıtettiń veb-saıtynda elektrondyq aryz-shaǵymdardyń kitaby iske qosyldy. Sonymen qatar tıisti ótinimderdi elektrondyq poshtaǵa nemese blog pen Tvıtterge joldaýǵa bolady.