Ótken jyly salyq organdary qyzmettesteriniń 7 jemqorlyq qylmysyn áshkereledi

ASTANA. 15 naýryz. QazAqparat - Ótken jyly salyq organdary qyzmettesteriniń 7 jemqorlyq qylmysyn áshkereledi.

Bul týraly búgin QR Ekonomıkalyq qylmysqa jáne sybaılas jemqorlyqqa qarsy kúres agenttigi janyndaǵy Sybaılas jemqorlyqqa jáne kóleńkeli ekonomıkaǵa qarsy kúres jónindegi qoǵamdyq keńes otyrysynda QR Qarjy mınıstrligi Salyq komıtetiniń tóraǵasy Ánýar Jumadildaev aıtty.

Onyń atap ótýinshe, atalǵan faktiler Astana qalasy men Ońtústik jáne Batys Qazaqstan oblystarynda anyqtalǵan. Sondaı-aq salyq organdary qarjy polıtsııasymen birlesip, salyq tóleýshilerden para alý derekterin anyqtaý baǵytyndaǵy jumystardy da júrgizýde. Aıta keterligi, 2009-2012 jyldar aralyǵynda mundaı oqıǵalardyń 22 deregi tirkelgen bolatyn.