Ótken jyly respýblıkada bala týý kórsetkishi tómendedi - Statıstıka agenttigi
ASTANA. Qańtardyń 14-i. QazAqparat - Ótken jyly respýblıkada bala týý kórsetkishi tómendedi. Bul týraly Statıstıka agenttiginiń áleýmettik-demografııalyq statıstıka departamentinen habarlady.
«Aldyńǵy jyldyń sáıkes kezeńimen salystyrǵanda, 2009 jyldyń qańtar-qarasha aılarynda respýblıkada bala týý kórsetkishiniń 0,7 paıyzǵa tómendegeni baıqalady. 2008 jyldyń 11 aıynda 334,5 myń bala týylsa, byltyr 11 aıda 332,1 myń bala dúnıege kelgen. Jalpy respýblıka boıynsha, bala týý koeffıtsıenti ár 1000 adamǵa shaqqanda 22,5 adamdy qurap otyr, 2008 jyldyń qańtar-qarasha aıynda bul kórsetkish 22,6 adamdy quraǵan», dep habarlaıdy statıstıka vedomstvosynan.
